birat ribon

एसएलसीको सर्टिफिकेट किर्ते गर्ने डाक्टरहरू पक्राउ

Neuro
एसएलसीको सर्टिफिकेट किर्ते गर्ने डाक्टरहरू पक्राउ

काठमाडौँ / एसएलसीको प्रमाणपत्र किर्ते गर्ने डाक्टरहरूलाई प्रहरीले पक्राउ गरेको छ । बङ्गलादेशमा एमबिबिएस अध्ययन गर्न जान एसएलसीको मार्कसिटमा आवश्यक पर्ने न्यूनतम योग्यता नपुगी नाम, जन्ममिति, प्राप्ताङ्कलगायत विवरणहरू सच्याई सोही किर्ते मार्कसिटको आधारमा बङ्गलादेशमा एमबिबिएस अध्ययनको लागि नेपाल मेडिकल काउन्सिल बाँसबारीबाट स्वीवकृती लिएका र हाल विभिन्न अस्पतालमा कार्यरत डाक्टरहरूलाई प्रहरीको केन्द्रीय अनुसन्धान ब्यूरोले पक्राउ गरेको छ ।

पक्राउ पर्नेमा न्यूरो हस्पिटल बिराटनगरमा कार्यरत मोहमद सिद्दिक, जनकपुर चिल्ड्रेन हस्पिटल धनुषामा कार्यरत सुभाषप्रसाद साह, दिर्घायू गुरु हस्पिटल चावहिलमा कार्यरत मोहम्मद शाहिद राजा, चौरझारी मिसन हस्पिटल पश्चिम रुकुममा कार्यरत दीपेन्द्र गौतम, मोरङबाट अखिलेशकुमार देव, भक्तपुरबाट पल्लवी सिंह र ललितपुरबाट फराज हुसेन खाँ पक्राउ परेको केन्द्रीय अनुसन्धान ब्यूरोका प्रमुख सहकुल बहादुर थापाले जानकारी दिए ।

cura insider

उनीहरूसँगै नक्कली प्रमाणपत्र बनाउन सघाउने बागबजारस्थित ज्योतिदीप इन्टरनेशनल कन्सलटेन्सीका सञ्चालक अरुण चौधरीलाई पनि प्रक्राउ गरिएको उनले बताए । प्रक्राउ परेकाहरूलाई सरकारी छाप किर्ते कसुरमा म्याद थप गरी आवश्यक अनुसन्धान भइरहेको केन्द्रीय अनुसन्धान ब्यूरोका प्रमुख थापाले बताए ।

jackson ribon