birat ribon

धरहराको पुनःनिर्माण सकियो, वैशाख ११ गते उद्घाटन

Neuro
धरहराको पुनःनिर्माण सकियो, वैशाख ११ गते उद्घाटन

काठमाडौँ । भूकम्पका कारण क्षतिग्रस्त बनेपछि पुनःनिर्माण गरिएको धरहरा वैशाख ११ गते उद्घाटन गरिने भएको छ । पुनःनिर्माण कार्य लगभग पुरा भएकाले वैशाख ११ गते उद्घाटन गरिने भएको हो ।

राष्ट्रिय पुनःनिर्माण प्राधिकरणका प्रमुख कार्यकारी अधिकृत सुशील ज्ञवालीका अनुसार प्रधानमन्त्री केपी शर्मा ओलीले उद्घाटन गर्ने छन् । विसं २०७२ को विनाशकारी भूकम्पबाट धरहरालगायत ऐतिहासिक सम्पदा ध्वस्त भएका थिए ।

cura insider

पुनःनिर्माणका अधिकांश कार्य सम्पन्न भएसँगै प्राधिकरणले विपद् जोखिममुक्त नेपाल निर्माणको १० वर्षे महाअभियानका लागि कार्यक्रम तयार गर्ने भएको छ । प्रधानमन्त्री एवं प्राधिकरणको निर्देशक समितिका अध्यक्ष ओलीको अध्यक्षतामा मङ्गलबार बसेको निर्देशक समितिको १८औँ बैठकले सोसम्बन्धी कार्यक्रमको प्रस्ताव तयार पारी आगामी आर्थिक वर्षदेखि महाअभियान शुरु गर्ने निर्णय गरेको हो । रासस

jackson ribon