birat ribon

विराटनगरका युवा भारतको चलचित्र नगरी मुम्बईमा प्रतिस्पर्धा गर्दै

Neuro
विराटनगरका युवा भारतको चलचित्र नगरी मुम्बईमा प्रतिस्पर्धा गर्दै

विराटनगर / विराटनगर महानगरपालिका–१० निवासी मोहनकुमार रौनियारका ३० वर्षीय छोरा अमित रौनियार भारतको चलचित्र नगरी मुम्बईमा आफ्नो स्थान बनाउन क्रियाशील छन् । उनी यस क्षेत्रमा आफ्नो ‘क्यारिअर’ बनाउन केही हदसम्म सफल पनि भएका छन् ।

दश वर्षअघि भारतको नयाँदिल्ली चार्टर्ड एकाउन्टेन्ट पढ्न गएका युवा अमितले पढाइभन्दा कलाकारितामा रुचि बढाउन थालेका थिए । उनी भारतको चलचित्रमा देखिन थालेका हुन् । कलाकार अमितले विराटनगरमा सञ्चारकर्मीसँग संक्षिप्त कुराकानीका क्रममा आफूले इन्टरनेटमा प्रसारण हुने हिन्दी वेब सिरिज ‘ए दिल है मुस्किल’, दक्षिण भारतीय कन्नड भाषाको ‘रामाचारी टु पेन जिरो’ (रामायण कथामा आधारित), हिन्दी चलचित्र मितेज, अर्को नाम घोषणा नभएको हिन्दी चलचित्र, हिन्दी भाषाको वेब सिरिजलगायतमा अभिनय गरिसकेको जानकारी दिए । उनले भने, ‘कला र कलाकारिताको क्षेत्रमा मुम्बईजस्तो ठाउँमा सङ्घर्ष गर्नु सामान्य होइन, एकसेएक कलाकार छन् । आफूलाई टिकाइराख्न अझ बढी मेहनत र परिश्रम गर्नुपर्छ ।’

cura insider

यसैगरी, अमितले अभिनय गरेको ‘तेरा लव मेरा इश्क’ गीतको भिडियो भारतको प्रसिद्ध सङ्गीत कम्पनी टि सिरिजले चाँडै सार्वजनिक गर्न लागेको छ । रौनियारले सन् २०१३ मा मिस्टर एन्ड मिस दिल्लीमा बेस्ट फिजिक्स, सन् २०१७ मा मिस्टर उत्तराखण्डमा दोस्रो उपाधि हासिल गरेका थिए ।

भक्तपुरमा गएको फागुन १४ गते सम्पन्न इन्टरनेसनल फेसन सो बेस्ट मेल मोडलको उपाधिसमेत पाएका अमितलाई विराटनगर आउँदा उनका शुभचिन्तकहरूले भव्य स्वागत गरेका थिए । उनले भारतमा अभिनयको क्षेत्रमा काम गर्दा भारतीय अभिनेताहरूबाट राम्रो सहयोग पाएको प्रतिक्रिया दिए । रासस

jackson ribon