birat ribon

भिटामिन सी महिलाका लागि महत्त्वपूर्ण

Neuro
भिटामिन सी महिलाका लागि महत्त्वपूर्ण

विराटनगर / भिटामिन सी एक पानीमा घुलनशील भिटामिन हो, जुन आहार वा सप्लिमेन्टबाट लिनुपर्ने हुन्छ । भिटामिन सीले शरीरको प्रतिरक्षा प्रणालीलाई सुदृढ बनाउन महत्त्वपूर्ण भूमिका निर्वाह गर्छ । शरीरलाई चाहिने भिटामिन सीको मात्रा आहार प्रायः खराब जीवनशैली, विभिन्न रोग, धूम्रपान, मदिरापान वा लागूपदार्थको दुव्र्यसनका कारण पूरा हुनेगर्दैन ।

साथै, महिलाहरू एकैपटकमा धेरै काम गर्ने, खानपानमा ध्यान दिन नपाउँदा पनि शरीरलाई चाहिने भिटामिन सीको मात्रा पुग्दैन । पुरुष र महिला दुवैका लागि भिटामिन सीले उत्तिकै भूमिका निर्वाह गर्ने भए पनि भिटामिन सी महिलाका लागि अझ महत्त्वपूर्ण भिटामिन हो । भिटामिन सीले एन्टेरियोल्स, स्कार टिस्यू र कार्टिलेजको विकास र मर्मतका लागि एक शक्तिशाली एन्टिआक्सिडन्टको रूपमा काम गर्छ ।

cura insider

प्राकृतिक रूपमा शरीरले उत्पादन गर्ने कोलाजेन घट्दै जाँदा मानिस बूढो हँुदै जान्छ । भिटामिन सीले कोलाजेनको उत्पादनमा महत्त्वपूर्ण भूमिका निर्वाह गर्छ, जसले चाउरीपना र बुढेसकालको लक्षण कम गर्न मद्दत गर्छ । गर्भावस्था र स्तनपान गराइरहेका महिलाका लागि भिटामिन सी एकदम महत्त्वपूर्ण हुन्छ । यस अवस्थामा भिटामिन सीको कमीले जोखिम निम्त्याउन सक्छ ।

भिटामिन सीको सेवनले आइरनको अवशोषणमा सुधार गर्न मद्दत गर्छ । भिटामिन सीले गर्भावस्था र आइरनको अभावमा पर्ने मानिसहरूलाई एनिमियाको जोखिम हुन नदिन मद्दत गर्छ । यसले शारीरिक र भावनात्मक तनावसँग लड्न र तनाव हार्मोनको उत्पादन स्तरलाई पनि कम गर्छ । उच्च रक्तचाप महिलाहरूमा हृदय रोगका लागि एक महत्त्वपूर्ण जोखिम कारक हो । भिटामिन सीको नियमित सेवनले उच्च रक्तचापको समस्या कम गर्न सकिन्छ ।

भिटामिन सीको नियमित सेवनले खराब कोलेस्ट्रोलको मात्रालाई पनि कम गर्ने हँुदा यसले मुटुसम्बन्धी समस्याको जोखिम पनि कम गराउँछ । यसले एस्ट्रोजेन स्तर बढाउन र प्रोजेस्टेरोनको स्तर घटाउन सक्छ । यसले गर्भाशयलाई सङ्कुचित गरेर महिनावारी समयमा र नियमित गराउन मद्दत गर्छ ।

एक महिलाले आफ्नो उमेरअनुसार दैनिक ६५ देखि एक सय १५ ग्राम भिटामिन सीको सेवन गर्नुपर्छ । १३ देखि १५ वर्ष उमेरमा ६६ मिलिग्राम, १६ देखि १८ वर्ष उमेरमा ६८ मिलिग्राम, सोभन्दा माथिका महिलाले ६५ मिलिग्राम, गर्भावस्थामा ८० मिलिग्राम, स्तनपान गराइरहेका आमाले एक सय १५ मिलिग्राम भिटामिन सीको सेवन गर्नुपर्ने बताइएको छ ।

कागती, सुन्तला, भोगटेलगायतका सिट्रस फल, टमाटर र टमाटरको रस र आलु भिटामिन सीका प्रमुख स्रोत हुन् । रातो र हरियो खोर्सानी, किबी, ब्रोकाउली, स्ट्रबेरी पनि भिटमिन सीका अन्य स्रोत हुन् । सबै फलफूल र तरकारीमा भिटामिन सीको समान मात्रा हुँदैन । केरा र स्याउमा भिटामिन सीको मात्रा कम हुन्छ ।

jackson ribon