birat ribon

अमेरिकी बैङ्कको एक अर्ब डलर निकाल्न म्यानमारलाई रोक

Neuro
अमेरिकी बैङ्कको एक अर्ब डलर निकाल्न म्यानमारलाई रोक

विराटनगर / अमेरिकाले आफ्नो बैङ्कमा रहेको म्यानमार सरकारको एक अर्ब डलर निकाल्नलाई रोक लगाएको छ ।

cura insider

म्यानमारको सेनाले उक्त रकम निकाल्न खोजे पनि संयुक्त राज्य अमेरिकाले नदिएको हो । सैनिक कूमार्फत शासनसत्ता हातमा लिएर प्रदर्शनमा उत्रिएका सर्वसाधारणमाथि बर्बर ढंगले दमन गरिरहेको म्यानमारको सेनालाई अमेरिकाले तत्काल कुनै पनि रकम निकाल्न नदिने भएको छ । बैङ्कमा रहेको रकम निकाल्न अमेरिकाले पूर्ण रुपमा प्रतिबन्ध नै लगाइदिएको छ ।

समाचार संस्था रोयटर्सका अनुसार कू गरेको तीन दिनपछि म्यानमारको सेनाले फेडेरल रिजर्भ बैंक अफ न्यूयोर्कमा रहेको एक अर्ब डलर निकाल्न खोजेको थियो। त्यतिबेला अमेरिकाले म्यानमारका सैनिक जनरलहरूमाथि प्रतिबन्ध नलगाएको भए पनि उक्त रकम रोकिएको थियो।

त्यसको झन्डै एक सातापछि अमेरिकी राष्ट्रपति जो बाइडेनले कार्यकारी आदेशमा हस्ताक्षर गर्दै म्यानमारको कूमा संलग्न सैनिक जनरलहरूलाई प्रतिबन्ध घोषणा गरेका थिए। उक्त कार्यकारी आदेशसँगै उक्त रकम अमेरिकाले अनिश्चितकालसम्मका लागि फ्रिज गर्न बाटो खुलेको छ।

अहिले म्यानमारमाथि अमेरिका, क्यानडा, युरोपियन युनियन र बेलायतले प्रतिबन्ध घोषणा गरेका छन्। पछिल्लो समय म्यानमारको सरकारले कूविरूद्ध भइरहेको शान्तिपूर्ण प्रदर्शनमा दमन बढाएको छ। संयुक्त राष्ट्र संघका अनुसार अहिलेसम्म सुरक्षाकर्मीको गोली लागेर ५४ जनाको ज्यान गएको छ भने दर्जनौं घाइते भएका छन्। १७ सय जनालाई हिरासतमा लिइएको छ । तीमध्ये २९ जना पत्रकार छन्।

म्यानमारको पछिल्लो परिस्थितिबारे छलफल गर्न आज (शुक्रबार) संयुक्त राष्ट्रसंघको सुरक्षा परिषदको बैठक पनि बस्ने भएको छ । संयुक्त राष्ट्रसंघले पनि म्यानमारको सेनालाई सत्ता फिर्ता गर्न दबाब दिइरहेको छ ।

jackson ribon