birat ribon

समाजसेवी

Neuro
समाजसेवी
मोहन ढकाल

पसिना लुटेर
जम्मा गरेको छु खुत्रुकेमा
मलाई कत्ति पनि पोलेको छैन
तिम्रा आँशुहरूले
बरू
तिम्रा पसिनाहरू
बर्खे झरीझैँ बर्सिएका छन्
मेरै वरिपरि
ठूलै चिठ्ठा परेजसरी

Padelux insider
cura insider

तिम्रो देखावटी मुस्कानमा
बेमौसमी जादु छरेर
अझै लुट्नु छ पसिना
तातो घामको र भन्नु छ
जसले मह काट्छ, उसले हात चाट्छ

तिम्रा पसिना लुटेर
अरूलाई देखाउनु छ,
आफ्नै मेहनतको समाचार
र समाजसेवी कहलिनु छ
तिम्रै वरिपरि
तिमीलाई खै कसले पत्याउँछ
बरू मेरै लागि नारा लगाउँछन् सबैले
समाजसेवी जिन्दवाद ! जिन्दवाद !!

तिमी सही छौ होला
तर, तिम्रो पछि कोही लाग्दैनन्
बरू मेरै चाकडी गर्न तल्लीन हुन्छन्
दिनरात घामपानी नभनी
अनि भिराइदिन्छन् समाजसेवीको दर्जा

तिमीलाई थाहै रहेनछ
यहाँ त पहुँचका भरमा जे पनि हुन्छ
तिमीले बोलेको साँचो झुठो भइदिन्छ
तर
मैले बोलेको झुठो साँचो भइदिन्छ
यत्ति सम्झ
तिमी पात झरेको रूख
र म पातैपातले भरिएको रूख
अब भन
शितलता तिमीले दिन्छौ या मैले ?

jackson ribon

प्रतिक्रिया दिनुहोस्: