birat ribon

उदयपुरमा १५ करोडभन्दा बढी मूल्यको सुन्तला उत्पादन

Neuro
उदयपुरमा १५ करोडभन्दा बढी मूल्यको सुन्तला उत्पादन

उदयपुर / यस वर्ष उदयपुरमा सुन्तला उत्पादनमा वृद्धि भएको छ । बर्सेनि व्यावसायिक रूपमा उत्पादन हुँदै आएको सुन्तला यस वर्ष गत वर्षभन्दा वृद्धि भएर ६ हजार पाँच सय मेट्रिक टन पुगेको कृषि ज्ञान केन्द्रले जनाएको छ ।

Padelux insider
cura insider

ज्ञान केन्द्रका अनुसार गत वर्ष यहाँको पहाडी क्षेत्रमा कुल पाँच हजार दुई सय ४६ मेट्रिक टन सुन्तला उत्पादन भएको थियो भने यस वर्ष अनुकूल हावापानीले गर्दा उत्पादन वृद्धि भएर ६ हजार पाँच सय मेट्रिक टन सुन्तला उत्पादन हुन पुगेको प्राविधिक अधिकृत अम्बिका भट्टराईले बताए । यस वर्ष जिल्लामा १५ करोडभन्दा बढी मूल्यको सुन्तला उत्पादन भएको ताप्ली गाउँपालिका ओख्लेका सुन्तला उत्पादक कृषक तथा सुन्तला जोनका संयोजक तोपबहादुर ठकुरीले बताए ।

कृषि ज्ञानकेन्द्रका प्रमुख प्रकाश विश्वकर्माका अनुसार तीन वर्षदेखि यहाँको पहाडी क्षेत्रका चार गाउँपालिकामा प्रधानमन्त्री कृषि कार्यक्रमअन्तर्गत सुन्तला जोन घोषणा गरेर बर्सेनि सुन्तला खेती विस्तार हुँदै गएपछि अहिलेसम्ममा आइपुग्दा जिल्लामा एक हजार एक सय ५५ हेक्टर क्षेत्रफलमा विस्तार हुन पुगेको हो । गत वर्ष एक हजार ५५ हेक्टर क्षेत्रफलमा मात्र सुन्तला खेती भएको थियो भने यस वर्ष १०० हेक्टर क्षेत्रफल वृद्धि भएको छ ।

जिल्लामा २०५५ सालभन्दा अगाडि परम्परागत सुन्तला खेती हुने गरेको र पहाडी क्षेत्रका केही स्थानमा ५० हेक्टर क्षेत्रफलमा मात्र सुन्तला खेती हुने गरेको थियो । विसं २०५८ देखि व्यावसायिकरूपमा सुन्तला खेती विस्तार हुँदै २०६४ सालमा आइपुग्दा जिल्लामा तीन सय हेक्टर क्षेत्रफलमा विस्तार भई हाल एक हजार एक सय ५५ हेक्टर जग्गामा खेती भइरहेको सुन्तला जोनका प्राविधिक नरनाथ रेग्मीले जानकारी दिए ।

अहिले जिल्लाका ताप्ली गाउँपालिकाका ओख्ले, पिपल न्ज्याङ, रुपाटार, तावाश्री, मादले, इनामे क्षेत्रलाई सुन्तला जोन क्षेत्रका रूपमा घोषणा गरिएको छ ।

यस्तै, जिल्लाको मध्यपहाडी क्षेत्रका उदयपुरगढी गाउँपालिकाका उदयपुर गढी, डुम्रे, तथा रौतामाई गाउँपालिकाका रौता, नामेटार, बोलुङखा, पोखरे, आँपटार, पाँबु, कोप्चे, आहाले, सल्ले, रामेटार क्षेत्र जिल्लाको दोस्रो धेरै सुन्तला उत्पादन हुने क्षेत्रका रूपमा परिचत रहेको कृषि ज्ञान केन्द्रका कर्मचारी बताउँछन् ।

यता, जिल्लाको उत्तरी पहाडी क्षेत्रका लिम्चुङबुङ गाउँपालिकाका बलाम्ता, बराह, जाँते, ताम्लिछा, छताङ र ठानागाउँ क्षेत्र जिल्लाको तेस्रो सुन्तला उत्पादन हुने सुन्तला जोनका रूपमा रहेको बताइएको छ । यी क्षेत्रबाहेक त्रियुगा नगरपालिकाका साउने र खाँबु, चौदण्डीगढी नगरपालिकाको चौदण्डी गढी क्षेत्रमा समेत केही वर्षयता आएर व्यापक सुन्तलाखेती विस्तार भएको पाइएको छ ।
अहिलेको गतिमा सुन्तलाखेती विस्तार हुँदै गए अबको सात वर्षसम्ममा उदयपुरमा वार्षिक ५० करोड रुपैयाँभन्दा माथिको सुन्तला उत्पादन हुनसक्ने ज्ञान केन्द्रका कर्मचारी बताउँछन् ।– रासस

jackson ribon