birat ribon

चिठ्ठा परेको प्रलोभन देखाएर ठगी, गोबरको थुप्रोमा लुकाएर राखेका थिए पैसा

Neuro
चिठ्ठा परेको प्रलोभन देखाएर ठगी, गोबरको थुप्रोमा लुकाएर राखेका थिए पैसा

झापा / जिल्ला प्रहरी कार्यालय झापाले चिठ्ठा परेको भनी प्रलोभन देखाएर ठगी गर्ने एक जनालाई पक्राउ गरेको छ । अनलाइनबाट चिठ्ठा परेको सामाग्री भन्सारबाट छुटाउन राजश्व लाग्ने भन्दै विभिन्न ब्यक्तिहरूबाट रकम ठगी गर्ने झापा अर्जुनधारा–९ का २९ वर्षीय पङ्कज पौडेली बिक पक्राउ परेका हुन् ।

Padelux insider
cura insider

पौडेलीले अनलाइनको माध्यमबाट ठगी गरेको भनी महानगरीय अपराध महाशाखा काठमाण्डौमा ठगी मुद्दा दर्ता भएसंगै खोजतलासमा खटिएको इलाका प्रहरी कार्यालय बिर्तामोडको प्रहरी टोलीले बिर्तामोड नगरपालिका–२ बाट उनलाई पक्राउ गरेको हो ।

पक्राउ परेका बिकको साथबाट १३ लाख ९५ हजार दुई सय १५ रुपैयाँ नगद बरामद भएको छ । प्रहरीले पक्राउ परेका बिकको साथबाट तीन लाख ५६ हजार सात सय दस रुपैयाँ बरामद गरेकाे थियो भाे उनको घरकोठामा रहेको दराजभित्रबाट दुई लाख आठ हजार दुई सय रुपैयाँ बरामद गरेकाे थियो ।

यस्तै पौडलीको घरपछाडिको गाई ग्वाली छेउमा रहेको गोबरको थुप्रोभित्र झोलामा प्याकिङ गरी गाडिएको अवस्थामा आठ लाख ३० हजार तीन सय पाँच रुपैयाँ प्रहरीले बरामद गरेकाे थियो ।

ठगीको आरोपमा पक्राउ परेका बिकलाई थप अनुसन्धानको लागि महानगरीय अपराध महाशाखा मिनभवन काठमाडौँ पठाइएको जिल्ला प्रहरी कार्यालय झापाले जनाएको छ ।

jackson ribon