birat ribon

ओली इतिहासमै कलङ्कित भए : प्रचण्ड

Neuro
ओली इतिहासमै कलङ्कित भए : प्रचण्ड

काठमाडौँ / नेपाल कम्युनिस्ट पार्टी नेकपा प्रचण्ड-माधव समूहका अध्यक्ष पुष्पकमल दाहालले लोकतन्त्रविरोधी प्रतिक्रान्तिको वकालत गरेकाले प्रधानमन्त्री केपी ओली इतिहासमै कलङ्कित बनेको बताएका छन् ।

Padelux insider
cura insider

एकीकृत अखिल नेपाल शिक्षक सङ्गठन प्रथम राष्ट्रिय परिषद् बैठकलाई सोमबार काठमाडौँमा सम्बोधन गर्दै अध्यक्ष दाहालले प्रधानमन्त्री ओलीको प्रतिक्रान्तिविरुद्ध संविधान, लोकतन्त्र गणतन्त्रको पक्षमा एकजुट हुन पनि आह्वान गरे । पार्टी एकीकरणको समयदेखि नै लोकतन्त्र र संविधानविपरीत कार्यशैली देखाउँदै आएका ओली अहिले संविधान, लोकतन्त्र र गणतन्त्रविरोधी प्रतिक्रान्तिको बाटोमा हिँडेकाले आफूहरू त्यसविरुद्ध सङ्घर्षमा उत्रेको उनले स्पष्ट पारे ।

‘केपीजीले जसरी प्रतिक्रान्तिको वकालत गर्न थाल्नुभयो । उहाँले बाजी हार्नुभयो । उहाँ कलङ्कित पनि हुनुभयो । संविधान, लोकतन्त्र र गणतन्त्रको पक्षमा, शान्ति र समृद्धिको पक्षमा हामी उभियौँ । त्यसकारण हामीले लडाइँ जित्यौँ,’ नेता प्रचण्डले भने, ‘अब उहाँले एकपछि अर्को हार्नुबाहेक अर्को विकल्प छैन । हामी दह्रोसँग उभिँदा हाम्रो जितलाई कसैले रोक्न सक्तैन ।’

अर्का अध्यक्ष माधवकुमार नेपालले प्रधामन्त्रीको समूहलाई चोइटिएको समूहको संज्ञा दिँदै ‘ओली बा समूह’ खोल्न सुझाव दिए । प्रधानमन्त्री ओलीलाई आफूहरूले साधारण सदस्यताबाट समेत बर्खास्त गरिसकेकाले उनको नेकपासँग कुनै सम्बन्ध नभएको दाबी गरे ।

‘चोइटिएको समूह पार्टीको मूल समूह हुन सक्ने कुरा भएन । केपी ओलीलाई अध्यक्षबाट निकालिसकेका छौँ । पार्टीको साधरण सदस्यबाट पनि बर्रखास्त गरिसकेका छौँ । उनको अब नेपाल कम्युनिस्ट पार्टी नेकपासँग कुनै सम्बन्ध छैन,’ नेता नेपालले भने, ‘उनलाई खोल्ने रहर छ भने नेकपा ओली गुट खोले हुन्छ । नेकपा मन परेको छैन भने ओली बा समूह खोल्दिए सबभन्दा राम्रो । ओली बालाई मन पराउनेहरू उतै जान्छन् ।’

उनले विभिन्न आन्दोलनले सामन्तवादलाई परास्त गरे पनि पुरानै शैलीमा हिँड्ने बानी कायमै रहेकाले केपी ओलीले संविधान र लोकतन्त्रमाथि प्रतिगमन गरेको आरोप लगाए । आफूहरूको सङ्घर्ष व्यक्तिभन्दा पनि सामन्तवादी प्रवृत्तिविरुद्धको भएको उनले स्पष्ट पारे ।

उनले भने, ‘केपीको नयाँ–नयाँ अवतार चाहिएको छैन । संविधान मासेर उनले संवैधानिक शासनलाई जसरी चुनौती दिएका छन्, यसले आजसम्म प्राप्त गरेका उपलब्धि तहसनहस हुने खतरा बढेको छ । त्यसैले ती उपलब्धि जोगाउने कुराको पक्षमा हामी जुधिरहेका छौँ ।’

jackson ribon