birat ribon

रानी–जोगबनी नाका बन्द होइन बिलखबन्द

चोरबाटोमा पैदलवाला, मूलबाटोमा पहुँचवाला

Neuro
रानी–जोगबनी नाका बन्द होइन बिलखबन्दचोरबाटोमा पैदलवाला, मूलबाटोमा पहुँचवाला

विराटनगर / सरकारले भारत र चीनसँग सीमा जोडिएका ३० वटा नाकामा माघ १६ गतेदेखि आवगमन सहज बनाउने निर्णय गरे पनि विराटनगरको रानी (जोगबनी) नाका भने खुलेको हो कि बन्द भएको हो छुट्याउन सकिँदैन ।

Padelux insider
cura insider

कारण रानी–जोगबनी वारपार गर्ने मान्छे चोरबाटो हुँदै आऊ–जाऊ गरिरहेकै छन्, विभिन्न कारखानाका कच्चा पदार्थ बोकेर नेपाल भित्रिने लामा–लामा ट्रक–लहरीहरू मूलबाटो हुँदै आइरहेकै–गइरहेकै छन् । वारि रानी र पारि जोगबनी दुवैतिरको बजार खुला छ । पहुँचवाला तथा पदमा भएकाहरू मूलबाटो हुँदै वारि–पारि आउने–जाने गरिरहेका छन् । पारिको सामान वारि र वारिको सामान पारि सस्तोमा किनेर महँगोमा बिक्री गर्नेले गरेकै छन् ।

मात्र पैदलवाला, सर्वसाधारणलाई मूलबाटो हिँड्न रोकिएको छ । देखावटी रूपमा दिउँसो मूलबाटो गजबार तेर्स्याएर नाका सुनसान पारिएको छ । नाका बन्द छ भन्दै दुनियाँको आँखामा ‘धुलो’ हालिएको छ ।

भारतसँग सीमा जोडिएका मोरङको रानी (जोगबनी) सुनसरीको भान्टाबारी (भीमनगर)सहित २८ तथा चीनसँग सीमा जोडिएका सिन्धुपाल्चोकको तातोपानी (खासा) र रसुवागढी (केरुङ) गरी ३० वटा नाका सर्वसाधारणको आवागमनका लागि खुला गर्ने निर्णय गरेको थियो ।

गृह मन्त्रालयले सुरक्षा सतर्कताका उपाय अपनाउँदै खुला गर्ने भनेका अन्य नाकाहरूका सप्तरीको हनुमाननगर (कुनौली), इलामको पशुपतिनगर (फाटक), झापाको काँकडभिट्टा तथा खजुरगाछी, सिरहाको माडर, सर्लाहीको मलङ्गवा रहेका छन् ।

धनुषाको जटही तथा इनरुवा, महोत्तरीको भिट्टामोड, रौतहटको गौर तथा बङ्कुल, बाराको मटिअर्वा तथा सिम्रौनगढ, पर्साको वीरगन्ज, रूपन्देहीको बेलहिया, पूर्वी नवलपरासीको त्रिवेणी, पश्चिमी नवलपरासीको महेशपुर नाका खोल्ने सरकारी निर्णय छ । कपिलवस्तुको तौलिहवा तथा कृष्णनगर, दाङको कोइलाबास, बाँकेको जमुनाह, बर्दियाको सुरजपुर, कैलालीको गौरीफन्टा, कन्चनपुरको गड्डाचौकी, दार्चुलाको खलङ्गा तथा पुलाघाट र बैतडीको झुलाघाट नाका खुलेको सङ्घीय सरकारले जनाएको छ ।

रानी–जोगबनी नाकामा लगाइउको ढाट

तर २०७६ चैत ११ गते लकडाउन सुरुभएसँगै १० महिनादेखि बन्द सीमानाका खोलेर आवागमन सहज बनाउने सरकारी निर्णय भए पनि जिल्ला तथा स्थानीय प्रशासन बिलखबन्दमा परेका कारण सर्वसाधारणले सास्ती बेहोर्नु परिरहेको छ । कोरोना सङ्क्रमण कम हुँदै गइरहे पनि लामो समयदेखि बन्द गरिएको नाका नखुल्दा आफूहरू मारमा परेको स्थानीय अब्दुल हमिदले बताए ।

युथ युनिटी अफ नेपालका उपाध्यक्षसमेत रहेका हमिदका अनुसार सबैतिरको अवस्था सहज हुँदा पनि अति आवश्यक काममा समेत सर्वसाधारणको आवागमन निषेध गरिएको छ तर ठुलाबडाको निर्बाध आउजाउ भने चलिरहेकै छ ।

सरकारले नाका खुलाउने निर्णय गरेको थाहा पाएर आइतबार स्थानीय केही युवाहरू सामूहिक रूपमा जोगबनीतिर जान खोजेका थिए तर सीमा सुरक्षा बल, सशस्त्र प्रहरीले ‘यसरी जान मिल्दैन’ भन्दै रोके । प्रहरीले मूलबाटो हुँदै नाका पारि जान नदिएपछि ती युवाहरू विरोध प्रदर्शनमा उत्रिएका थिए । स्थानीय युवाले विगतजस्तै मूलनाकाबाट स्वतन्त्र आवतजावत गर्न पाउनुपर्ने माग राख्दै युथ युनिटी अफ नेपालको ब्यानरसहित रानी क्षेत्रमा प्रदर्शन गरेका थिए ।

युनिटीका उपाध्यक्ष हमिदले भने जस्तै रानी–जोगबनी नाकामा सर्वसाधारणलाई मात्र रोकिएको छ, पदवाला–पहुँचवालालाई कुनै छेकबार छैन । उल्टै नेपाल–भारतका प्रहरीहरूले स्कटिङ गरेर ‘भिआइपी’हरूको आवतजावत र किनमेल सहज बनाउँछन् ।

रानी–जोगबनी नाकामा सर्वसाधारणलाई मात्र रोकिएको छ, पदवाला–पहुँचवालालाई कुनै छेकबार छैन । उल्टै नेपाल–भारतका प्रहरीहरूले स्कटिङ गरेर ‘भिआइपी’हरूको आवतजावत र किनमेल सहज बनाउँछन् ।

स्थानीयका अनुसार नेपाल प्रहरीका एसएसपी कृष्णहरि शर्मा आइतबार परिवारका सदस्य र आफन्तसहित सहजै भारतको जोगबनी पुगे, मजाले किनमेल गरे र फर्किए । जोगबनीमा घरायसी सामान किनमेलका लागि तीन–चारघण्टा समय आरामले बिताएर साँझ नेपाल फर्किएको यो टोलीलाई न कसैले रोक्यो, न टोलीका सदस्यहरूले आवश्यक सुरक्षा मापदण्ड पूरा गर्नुप¥यो । उल्टै टोलीलाई नाका कटाएर जोगबनी पुर्‍याउन सादा पोसाकका प्रहरीले सहयोग गरेका थिए ।

प्रहरीका अधिकृत नै घरायसी कामका लागि जोगबनी गएसँगै नाका अनुमान लगाउँदै केही सर्वसाधारण जोगबनीतिर जान पनि खोजेका थिए । तर प्रहरीले सर्वसाधारणलाई भने रोकेका थिए । मूलबाटोबाट छिर्न नपाएपछि उनीहरू यसअघि झै दरैया टोलको चोरबाटो हुँदै भारततिर लागे ।

सरकारले सीमानाकामा आवागमन सहज बनाउने निर्णय गरे पनि सामान्य जनताका लागि रानी–जोगबनीबीचको छेकबार हटाइएको छैन । सर्वसाधारणले प्रयोग गर्ने सवारीसाधनको आवतजावत रोकिएको छ । मुख्य नाकामा ढाट लगाए पनि किनमेल र घरासयी कामका लागि चोर बाटो हुँदै लुकीछिपी पैदलयात्रीको सङ्ख्या ठुलो छ ।

विराटनगर रानी नाका क्षेत्र

चोरबाटो प्रयोग गर्नेहरूलाई रोक्न दुवैतर्फका सुरक्षाकर्मीलाई हम्मेहम्मे पर्ने गरेको छ । स्थानीय सन्तोष रायका अनुसार नेपालमा नपाइने अत्यावश्यक औषधि खरिद गर्न जान लाग्दासमेत सर्वसाधारणलाई रोकिन्छ । कोरोनाबाट बच्न आवश्यक सुरक्षा मापदण्डको पालना गर्दै व्यवस्थित रूपमा आवतजावत गर्ने वातावरण बनाइदिन सरकारसँग पटकपटक माग राखिए पनि सुनुवाइ भएको छैन ।

गृह मन्त्रालयले आवश्यक सुरक्षा प्रोटोकलसहित रानी भन्सार तथा नाका खुला गर्न पत्राचार गरे पनि नयाँ प्रकारको भाइरसको जोखिम देखापरेपछि नाकामा कडाइ गर्नुपरेको मोरङ प्रशासनको भनाइ छ । ‘सर्वसाधारणको आवश्यकता र जटिलता हेरेर सर्तसहित नाका खुला राख्ने निर्देशन आएको छ,’ मोरङका प्रमुख जिल्ला अधिकारी कोषहरि निरौलाले भने, ‘सामान्य अवस्था जस्तो किनमेल र घुमफिरका लागि नेपाल–भारत आवतजावत गर्न पाइँदैन । सरकारले नाका पूर्ववत् खुला गर्नू भनेको छैन ।’

उनकाअनुसार आवश्यक मापदण्ड पूरा गर्ने नेपाली नागरिकले आवतजावत गर्न पाए पनि कोरोनाको जोखिम कायमै रहेकाले दुई देशबीच पूर्ण रूपमा आवतजावत र सवारीसाधन सञ्चालन गर्न रोकिएको हो । नाका हुँदै आवतजावत गर्न चाहनेले तोकिएको नियम पूरा गर्नुपर्छ ।

jackson ribon