birat ribon

कन्फ्युजै–कन्फ्युजमा अभिव्यक्ति स्वतन्त्रता

Neuro
कन्फ्युजै–कन्फ्युजमा अभिव्यक्ति स्वतन्त्रता

कन्टिर–बाबू कहिलेकाहीँ निकै अलमलिन्छन् । के बोल्ने के नबोल्ने, के लेख्ने नलेख्ने, कस्ता विचार व्यक्त गर्ने कस्ता नगर्ने भन्नेमा उनी बेला–बेलामा कनफुजियाउँछन् ।

Padelux insider
cura insider

एउटा कुरा चाहिँ निश्चित छ र सबलाई थाहा पनि छ कि कन्टिर–बाबू सूचना, विचार तथा अभिव्यक्ति स्वतन्त्रताका कट्टर पक्षपाती हुन् । उनी जुनसुकै परिस्थितिमा पनि लोकतन्त्र र स्वतन्त्रताको वकालत गरिरहेका हुन्छन् ।

त्यसो त जेमा पनि प्यार–प्यार बोल्ने कन्टिर–बाबूको बानी छैन । नबोली नहुने परिस्थिति देखेमात्र उनी बोल्छन् । जे बोल्दा लोक–हित हुन्छजस्तो लाग्छ, कन्टिर–बाबू त्यो बोल्छन् नै चाहे परिणाम जेसुकै होस्, उनी आफ्नो विचार व्यक्त गर्छन् नै ।

बोल्दा के कुराले रापको ताप घट्छ, के बोल्दा ओल्बाको मान झर्छ, कस्तो चाहिँ धारणाले चोसजको अपहेलना हुन्छ भन्ने कन्टिर–बाबूलाई मतलब छैन । यसकारण पनि उनी आफूलाई लागेको कुरा विभिन्न सञ्चारमाध्यममार्फत स्पष्ट भाषामा बोलिरहेका हुन्छन् ।

पछिल्लो समय अदालतका सन्दर्भमा, अदालतमा विचारधीन मुद्दाका बारेमा के बोल्ने के नबोल्ने भन्नेबारे बहस भइरहेको छ । र यस्तो बहसको अन्तर्यमा कतै संविधानप्रदत्त अभिव्यक्ति स्वतन्त्रताको हक प्रभावित पार्न चाहने तत्त्वले खेल्न खोजिरहेको हो कि भन्ने आशङ्का कन्टिर–बाबूको मनमा उत्पन्न भएको छ ।

अरे यार, हिजो यही बोल्न पाइएन भनेरै जनताले तत्कालीन शासकविरुद्ध आन्दोलन गरेको हो । त्यही क्रममा भएको त्यत्रो सहादत बिर्सेर आज फेरि जनताको अभिव्यक्तिमाथि किन अङ्कुश लगाउन खोजिँदै छ ? कन्टिर–बाबू यसको भित्री रहस्य भने बुझ्न खोज्दै छन् ।

त्यसो त अदालतको मानहानी हुनेगरी बोल्नुहुन्न भन्ने कन्टिर–बाबूलाई राम्रो थाहा छ, कसैले सिकाइरहनु पर्दैन । अदालतको मानहानी भन्नाले विधिको शासन मान्दिनँ, अदालत–सदालत मान्दिनँ भन्ने हो, मुद्दाको सुनुवाइ प्रक्रिया, सेरोफेरोका न्यायाधीशको नियतमाथि शङ्का, न्यायपालिकासहित राज्यका निकाय सेटिङमा चलिरहेका छन् भन्ने आशङ्का गर्नै पाइँदैन भन्ने होइन । त्यसैले कन्टिर–बाबू भन्छन्– ‘विचाराधीन मुद्दाका बारेमा बोल्न पाइँदैन’ भन्ने डन्डा तेर्स्याएर पक्ष–विपक्षमा आउने विचार निषेध गर्न, जनता तर्साउन पाइँदैन ।

यसबाहेक अदालतका बारेमा बोल्नै पाइँदैन भनी डर देखाउँदैमा कन्टिर–बाबू तर्सिने, कान, आँखा, मुख थुनेर बस्नेवाला छैनन् । बाँकी आफैँ मिलाएर विचार होस् श्रीमान्, श्रीमती, सुश्रीहरू !

jackson ribon