birat ribon

ढलको दुर्गन्धले समस्या

Neuro
ढलको दुर्गन्धले समस्या

विराटनगर । स्थानीयवासीको चरम लापरबाहीले ढल बग्न थालेपछि भोजपुर सदरमुकाम आसपासका बस्ती दूषित र दुर्गन्धित बनेका छन् ।

Padelux insider
cura insider

भोजपुर नगरपालिका–७ र ९ का करिब ५० भन्दा बढी स्थानीय बजारवासीको घरबाट निक्लने उक्त ढल अव्यवस्थित रूपमा बगेपछि स्थानीय दलित बस्ती, सर्वसाधारण, विद्यार्थीलाई सास्ती भोग्न बाध्य बनाएको छ।

मानव स्वास्थ्यमा गम्भीर असर पुग्ने उक्त ढलको दुर्गन्धले दैनिक जीवनयापन गर्न समस्या भएको स्थानीय गोविन्द सुन्दासले बताए। भोजपुर सदरमुकामको बीच बजारका बासिन्दाले ढल व्यवस्थापनमा बेवास्ता गरेपछि आसपासका बस्ती दुर्गन्धित बनाएको उनको भनाइ थियो।

नगरपालिकाले दुई वर्षअघि ‘एक घर एक सेफ्टी ट्यांकी’ राख्न प्रतिबद्धता गराए पनि बजारवासीले सेफ्टी ट्यांकी बनाउन अटेरीपन देखाएपछि समस्या उत्पन्न भएको हो। दुर्गन्धले सार्वजनिक पैदल बाटोमा हिँड्ने विद्यार्थी र बटुवालाई झन् सास्ती दिएको छ। ढल उपभोक्ता समितिले ढल व्यवस्थापनमा नगरपालिकाले वास्ता नगरेको बताएको छ। अन्नपूर्ण पोस्ट्मा समाचार छ

jackson ribon