birat ribon

माइनस १४ डिग्री तापक्रममा पनि विद्यालय नियमित सञ्चालन

Neuro
माइनस १४ डिग्री तापक्रममा पनि विद्यालय नियमित सञ्चालन

हुम्ला/उच्च हिमाली जिल्ला हुम्लाको हिमालपारिको गाउँ भनेर चिनिने नाम्खा गाउँपालिकाको लिमी गाउँमा माइनस १४ डिग्री तापक्रममा पनि नियमित पठनपाठन भइरहेको छ । कोरोना कहरको समयमा समेत पठनपाठन बन्द नभएको लिमी गाउँका दुई विद्यालयमा अत्यधिक चिसो भए पनि पढाइ रोकिएको छैन ।

Padelux insider
cura insider

नाम्खा गाउँपालिका–६ को लिमीका दुई विद्यालयमा अत्यधिक चिसोमा पनि विद्यार्थी विद्यालय उपस्थित हुने गरेका छन् । लिमीका सुनखानी र भृकुटी प्राथमिक विद्यालयमा निजी स्रोतका शिक्षकबाट पठनपाठन भइरहेको छ । हाल लिमीमा चिसो बढेसँगै तापक्रम माइनस १४ डिग्री पुगेको सुनखानी प्राविका शिक्षक कुन्जोक तामाङले बताए ।

यी दुई विद्यालयमा कक्षा ६ सम्म पठनपाठन हुने गर्छ । विद्यालयमा घाम नलागेको दिन आगो बाल्ने व्यवस्था गरिएको छ । शिक्षकको पारिश्रमिकको व्यवस्था भने एक अमेरिकी नागरिकले गरेका छन् । रासस

jackson ribon