birat ribon

प्याफल चोकमा गङ्गालालको शालिक

Neuro
प्याफल चोकमा गङ्गालालको शालिक

काठमाडौँ/सहिद दिवसका अवसरमा काठमाडौँ महानगरपालिका–१९ प्याफल चोकमा निर्माण भएको शहीद गङ्गालाल श्रेष्ठको अर्धकदको शालिक अनावरण गरिएको छ । वडा नं १९ को करिब छ लाखको लागतमा शालिक निर्माण गरिएको वडा सदस्य चन्द्रमान डङ्गोलले जानकारी दिए ।

Padelux insider
cura insider

प्याफल चोक शहीद गङ्गालालको पुख्र्यौली थलो हो । बाबुआमाको जागीरको सिलसिलामा रामेछापमा गङ्गालालको जन्म भए पनि उनको स्थायी ठेगाना प्याफल चोक नै भएको वडा कार्यालयले जनाएको छ ।

प्याफल चोकमा गङ्गालालको शालिक अनावरणपछिको सभामा वडाध्यक्ष शशीलाल श्रेष्ठले सो चोकलार्ई गङ्गालालको नामबाट गङ्गालाल चोक घोषणा गरे । शालिक राख्न नभई राम्रो काम गरेर गङ्गालाल शहीद भएकाले त्यही बाटो अनुशरण गर्न उनले आह्वान गरे । गङ्गालाल क्लबका अध्यक्ष अशोकमान बज्राचार्यले देशका लागि जीवन समर्पण गर्ने महान सहिदको राज्यले उचित सम्मान दिनुपर्नेमा जोड दिए ।

यसअघि विसं २०४६ मा प्रजातन्त्र पुनस्र्थापनाका लागि भएको जनआन्दोलनमा शहादत प्राप्त गर्ने निर्गुण स्थापितको शालिकमा पनि माल्यार्पण गरिएको थियो । यट्खा चोकमा रहेको स्थापितको शालिकमा वडाध्यक्ष श्रेष्ठलगायत वडाबासीले माल्यार्पण गरेका थिए । रासस

jackson ribon