birat ribon

इन्टरसँग बदला लिने युभेन्टसको लक्ष्य, पिर्लो भन्छन्–पछिल्लो खेल बिर्सियौँ

Neuro
इन्टरसँग बदला लिने युभेन्टसको लक्ष्य, पिर्लो भन्छन्–पछिल्लो खेल बिर्सियौँ

विराटनगर श्र इटालियन कोपा इटालियामा सर्वाधिक धेरै १३ पटकको विजेता टोली युभेन्टसले इन्टर मिलानसँगको भेट पक्का गरेको छ । बुधबार राति एसपिएएलमाथि ४–० गोलान्तरको जित दर्ता गर्दै सेमिफाइनल पुगेको युभेन्टसले फाइनलका लागि इन्टरसँग खेल्ने पक्का भएको हो ।

Padelux insider
cura insider

इन्टर भने मङ्गलबार राति एसी मिलानमाथि जित निकाल्दै अन्तिम चारमा पुगेको हो । अब, युभेन्टस र इन्टरले फेब्रुअरी ३ मा पहिलो लेगको खेल खेल्नेछन् भने फेब्रुअरी १० मा दोस्रो लेगको खेल खेल्नेछन् । दुवै लेगको विजेता टोलीले फाइनल खेल खेल्नेछ ।

युभेन्टस र इन्टरले १८ जनवरीमा मात्र घरेलु लिगमा प्रतिस्पर्धा गरेका थिए । इन्टरको मैदानमा भएको खेलमा युभेन्टस २–० गोलले पराजित भएको थियो । अब, सोही खेलको बदला लिने दाउमा युभेन्टस छ ।

यता, युभेन्टसका प्रशिक्षक आन्द्रेस पिर्लोले भने सिरी ‘ए’को खेल बिर्सिएको प्रतिक्रिया दिएका छन् । इन्टरसँगको भेट पक्का गरेपछि उनले भने, ‘मिलानमा भएको लिगको खेल बिर्सियौँ । अब हामीले कोपा इटालियाको फाइनलमा उनीहरूको सामना गर्नेछौँ, महान् तिर्खा मेटाउँदै फाइनल पुग्ने लक्ष्यमा छौँ ।’

‘उनीहरूको खेल्ने शैली फरक छ । अब, आगामी शनिबारको खेलपछि हामी सो खेलका लागि तयारीमा जुट्नेछौँ’, उनले थपे । युभेन्टसले आगामी शनिबार साम्पोडोरियासँग खेल्दैछ ।

jackson ribon