birat ribon

लसुनको हरियो पात खानु फाइदाजनक

Neuro
लसुनको हरियो पात खानु फाइदाजनक

विराटनगर । लसुनलाई तरकारीमा राखिने मसलाको साथै औषधिको रूपमा पनि प्रयोग गरिन्छ । लसुनले तरकारी स्वादिलो बनाउने मात्र होइन पेटसम्बन्धी विभिन्न विकार पनि हटाउन, रक्तचाप तथा कोलेस्ट्रोललाई नियन्त्रणमा राख्न र मुटुलाई स्वास्थ राख्ने गर्छ ।

Padelux insider
cura insider

साथै, इम्युनिटी बढाउने, रुघाखोकी, श्वासप्रश्वासको रोगमा समेत प्रभावकारी हुन्छ । लसुनको केस्रा मात्र नभएर लसुनको हरियो पात पनि खाने गरिन्छ । लसुनको पातलाई भुटेर, तरकारी वा अचारमा राखेर तथा सलादका रूपमा पनि खाने गरिन्छ ।

लसुनका हरियो पातले परिकारलाई राम्रो देखाउन, स्वाद र सुगन्धको लागि मात्र नभएर लसुनका हरियो पातका स्वास्थका पनि लसुनजत्तिकै फाइदाजनक हुन्छन् । लसुनजस्तै लसुनको पातले पनि चिसो तथा रुघाखोकीको उपचारमा प्रयोग गर्न सकिन्छ ।

लसुनका पातको सेवनले शरीरको रोग प्रतिरोधी क्षमतालाई बढाउँछ । यसमा हुने एलिसिन नामक तत्वले रोग प्रतिरोधी क्षमतामा वृद्धि गराएर विभिन्न रोगसँग लड्ने शक्ति प्रदान गर्छ ।

एलिसिन भएका कारण यसले शरीरबाट निस्कने गन्धलाई पनि कम गर्न सक्छ । लसुनको पातमा प्रशस्त मात्रामा आइरन तत्व पाइन्छ । रगतको मात्रा कम भएको तथा रक्तअल्पता (एनेमिया) भएकाको लागि लसुनको पातको नियमित सेवन लाभदायी हुन्छ ।

लसुनको पातको नियमित सेवनले पेट तथा पाचन प्रणालीसम्बन्ीध समस्या पनि कम गर्छ । लसुनको पातमा एन्टी व्याक्टेरियल तथा दुखाइ कम गर्ने गुण हुन्छ, जसले एन्टिबायोटिक जस्तै काम गर्छ ।

यसको सेवनले विभिन्न प्रकारको सङ्क्रमणको खतरा पनि कम गर्छ । लसुनका पातको सेवन मुटुका लागि पनि फाइदाजनक हुन्छ । यसमा पाइने पोलिसल्फाइड तत्वले मुुटुलाई विभिन्न रोगबाट बचाउँछ ।

लसुनका पातमा म्यांगानिज तत्व हुन्छ । यसले सरीरमा कोलेस्टेरोलको मात्रा नियनत्रण गरेर मुटुसम्बन्धी समस्यालाई कम गर्छ ।

jackson ribon