birat ribon

स्वास्थ्य चौकीमा तालाबन्दी

Neuro
स्वास्थ्य चौकीमा तालाबन्दी

इनरुवा/सुनसरीको भोक्राहा नरसिंह गाउँपालिका–८ सोनियाहीको स्वास्थ्य चौकीमा स्थानीयले तालाबन्दी गरेका छन् ।

Padelux insider
cura insider

गाउँपालिकाले निकालेको कर्मचारी आवश्यकता विज्ञापनको नतिजाप्रति असन्तुष्टि जनाउँदै स्वास्थ्य संस्थामा तालाबन्दी गरेका हुन् । गाउँपालिकाले आइतबार सार्वजनिक गरेको कार्यालय सहयोगीको नतिजाप्रति असन्तुष्टि जनाउँदै केही उम्मेदवार र स्थानीयले स्वास्थ्य चौकीमा तालाबन्दी गरेको स्थानीय एमडी अन्सारीले जानकारी दिए ।

स्वास्थ्य चौकीमा तालाबन्दी भएको पुष्टि गर्दै वडाध्यक्ष हातिम अन्सारीले कार्यालय सहयोगी बाहिरका व्यक्तिलाई नियुक्त गरेपछि केही असन्तुष्ट व्यक्तिहरुले तालाबन्दी गरेको प्रतिक्रिया दिए । उनले स्वास्थ्य संस्था बन्द गर्नु ठीक नभए पनि पहिलादेखि काम गर्दै आएकालाई समेत उपेक्षा गर्दै नतिजा आएकाले बन्द गरेको सूचना आफूकहाँ आएको बताए ।

jackson ribon