birat ribon

अमेरिकामा सुरक्षा व्यवस्था कडा, संसद भवन लकडाउन

Neuro
अमेरिकामा सुरक्षा व्यवस्था कडा, संसद भवन लकडाउन

विराटनगर । संसदमा फेरि पनि आक्रमणको खतरा बढेकोभन्दै अमेरिकाको सुरक्षा व्यवस्था कडा पारिएको छ ।

cura insider

राष्ट्रपतिमा निर्वाचित जो बाइडेनको शपथ ग्रहण कार्यक्रम भोलि (बुधबार) तय गरिएको छ । सपथ ग्रहणमा सुरक्षा खतरा रहेको औंल्याइएपछि त्यसलाई मध्यनजर गर्दै त्यहाँको सुरक्षा व्यवस्था अतिनै कडा पारेर लगिएको हो । सोमबार राजधानी वासिङ्गटन डिसीस्थित संसद भवन केही समयका लागि लकडाउन गरिएको थियो।

गत नोभेम्बर ३ मा भएको चुनावमा राष्ट्रपति डोनाल्ड ट्रम्पलाई पराजित गरेका बाइडेनले जनवरी २० आर्थत बुधबार अमेरिकाको ४६ औँ राष्ट्रपतिका रुपमा शपथ लिँदै छन्। ट्रम्पले बिना प्रमाण चुनावमा धाँधली भएको र आफूबाट नतिजा खोसिएको आरोप लगाउँदै निर्वाचनबाट प्राप्त परिणामलाई अस्वीकार गरिरहेका छन् । नतिजा उल्ट्याउनका लागि अदालतदेखि निर्वाचन अधिकारीलाई दबाब दिनेसम्मको काम गरेका ट्रम्पले बल प्रयोगका लागि समर्थकलाई उक्साएको अभियोग छ।

जनवरी ६ मा दुवै सदनको संयुक्त शत्र मार्फत बाइडेनको जितलाई अन्तिम औपचारिकता प्रदान गर्ने काम भइरहँदा ट्रम्पको उक्साहटमा उनका समर्थकले संसद भवनमा हिंसात्मक आक्रमण गरेका थिए। सो घटनामा एक प्रहरी अधिकारीसहित पाँचजनाको ज्यान गयो। हिंसात्मक विद्रोहका लागि उक्साएको आरोपमा ट्रम्पमाथि दोस्रोपटक महाअभियोग लागेको छ।

संसद भवनमा भएको सो घटनापछि संघीय अनुसन्धान ब्यूरो (एफबिआई) ले बाइडेनको शपथ ग्रहण समारोहलाई लक्षित गरेर ट्रम्पका समर्थकहरुले हिंसात्मक प्रदर्शन गर्न सक्ने चेतावनी दिएको थियो। त्यसपछि सबै ५० राज्य तथा राजधानी वासिङ्गटन डिसीमा सुरक्षा व्यवस्था कडा पारिएको छ।

न्यूयोर्क टाइम्सका अनुसार बाइडेनको शपथ ग्रहण समारोहका लागि गरिएको सुरक्षा व्यवस्था आधुनिक समयमा अमेरिकामा आन्तरिक कार्यक्रमका लागि गरिएको सबैभन्दा बलियो सुरक्षा तयारी हो। सोमबार बाइडेनको शपथ ग्रहण समारोहको रिहर्सलको क्रममा क्यापिटल हिल केही समय लकडाउन भएको थियो, जसका कारण रिहर्सल केही समयका लागि रोकिएको थियो।

क्यापिटल हिल (संसद भवन) सहित वासिङ्गटन डिसीको मध्य क्षेत्रमा नेशनल गार्डका हजारौँ सुरक्षाकर्मी तैनाथ भएका छन्।

jackson ribon