birat ribon

भारतले केही साताभित्रै कोरोना खोप पठाउने

Neuro
भारतले केही साताभित्रै कोरोना खोप पठाउने

विराटनगर । भारतले केही साताभित्रै नेपाललगायतका छिमेकी देशहरूमा कोरोनाविरुद्धको खोप पठाउने भएको छ । यसलाई भारतले आफ्नो ‘खोप कूटनीति’ भनेको छ ।

cura insider

‘भारतले सुरुमा आफ्ना छिमेकी राष्ट्र र त्यसपछि अन्य देशका लागि खोप निर्यात गर्नेछ । छिमेकी देशमध्ये सबैभन्दा पहिलो नम्बरमा नेपाललाई राखिएको छ।’ भारतको भ्रमण सकेर फर्केका परराष्ट्रमन्त्री प्रदीप ज्ञवालीको भनाइ भन्दै स्वास्थ्य मन्त्रालयले जानकारी दिएको छ ।

भारतले विश्वकै ठूलो संक्रमण रोग कोरोनाविरुद्धको खोप गत शनिबारदेखि सुरु गरेको छ । भारतमा पहिलो दिनमै २ लाखभन्दा धेरै मानिसलाई खोप लगाइएको छ । सुरुमा ३ करोड सरसफाइकर्मी र स्वास्थ्यकर्मीलाई खोप लगाइने योजना भारतले बनाएको छ । त्यसका लागि सेरम इन्स्टिच्युटको ‘कोभिसिल्ड’ र भारत बायोटेकको ‘कोभ्याक्स’ दुवै खोप प्रयोगमा ल्याइएको छ ।

नेपालले पनि ‘कोभिसिल्ड’लाई आपत्कालीन प्रयोगका लागि स्वीकृति दिइसकेको छ । भारतले नेपालसँगै भुटान, बंगलादेश, म्यानमार, श्रीलंका, अफगानिस्तान, माल्दिभ्सलगायतका देशमा पहिलो चरणको खोप निर्यात गर्ने जनाएको छ । त्यसपछि मात्रै भारतले तेस्रो देशमा खोप निर्यात गर्ने जनाइएको छ ।

नेपालले अहिले भारत सरकारसँग मात्रै खोप किन्ने प्रस्ताव अघि सारेको बुझिएको छ । तर अन्य देशहरुले भने कम्पनीसँग नै सम्झौता गरिसकेका छन् । म्यानमारले सेरम इन्स्टिच्युटसँग खोप किन्ने सम्झौता गरिसकेको छ । भारतीय विदेशमन्त्री एस जयशंकरले श्रीलंकाको नेतृत्वसँग पनि खोप पठाउन प्रतिबद्धता गरेका छन् ।

भारतले छिमेकी देशलाई निर्यात गर्ने खोपको मूल्य धेरै महँगो नहुने र सकभर भारतमै उपलब्ध मूल्यमा दिने योजना बनाइरहेको विदेश मन्त्रालयले जनाएको छ । परराष्ट्रमन्त्री ज्ञवालीलाई प्रधानमन्त्री मोदीको सन्देश सुनाउँदै जय शंकरले नेपालमा पहिलो प्राथमिकताका साथ खोप पठाउन भारत प्रतिबद्ध रहेको बताउनुभएको स्रोतले जनाएको छ । नेपाल समाचारपत्रमा समाचार छ

jackson ribon