birat ribon

आन्दोलनको तयारीमा जसपा

Neuro
आन्दोलनको तयारीमा जसपा

काठमाडौँ/जनता समाजवादी पार्टी, नेपाल (जसपा)ले संसद् विघटनको विरुद्धमा घोषणा गरेको आन्दोलनको तयारी सुरु गरेको छ ।

जनता समाजवादी पार्टी, नेपाल केन्द्रीय कार्यकारिणी समितिको मङ्गलबार बसेको बैठकले संसद् विघटनको विरोधमा आन्दोलनका कार्यक्रम तय गरेको थियो ।

cura insider

सोही आन्दोलनका कार्यक्रमलाई सफल बनाउन रणनीति तयार गर्न बिहीबार बैठक बसेको जसपाका नेता केशव झाले बताए । बैठकमा आन्दोलनको तयारी सम्बन्धमा छलफल भएको नेता झाले बताए ।

जसपाले यसअघि नै केन्द्रीय कार्यकारिणी समितिको बैठकबाट पुस १० गते प्रधानमन्त्री र राष्ट्रपतिको पुत्ला दहन गर्ने, पुस ११ गते मसाल जुलुस निकाल्ने र पुस १२ गते बृहत प्रदर्शन गर्ने कार्यक्रम तय गरिसकेको छ ।

पुस ५ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद् विघटन गरेसँगै जसपाले आन्दोलनका कार्यक्रम घोषणा गरेको हो ।

jackson ribon