Rumpum Advertisement

प्रज्ञा प्रतिष्ठानले गर्‍यो प्रज्ञासभा

Neuro
प्रज्ञा प्रतिष्ठानले गर्‍यो प्रज्ञासभा

काठमाडौँ/नेपाल प्रज्ञा प्रतिष्ठानले ३५ औं प्रज्ञा सभा आयोजना गरेको छ ।

प्रतिष्ठान स्थापनाको ६२ औं वर्ष पूरा गरी ६३ औं वर्ष प्रवेश गरेको र ३५ औं प्रज्ञासभा आज काठमाडौंमा बसेको हो । प्रज्ञासभालाई सम्बोधन गर्दै संस्कृति पर्यटन तथा नागरिक उड्डयन मन्त्री योगेश भट्टराईले अहिलेको विश्वव्यापीकरणले संस्कृति, सहित्य र इतिहासहरुमा अतिक्रमण भइराखेको बताए ।

विद्धान प्राज्ञहरुको मेहनत र कोसिसले देशको इतिहास, संस्कृतिको संरक्षण गर्ने विश्वाससमेत व्यक्त गरे । नेपालीपन र नेपाली इतिहासको जगेर्ना गर्ने काममा प्राज्ञहरुको भूमिका महत्वपूर्ण हुने भएकाले यसै क्षेत्रमा कलम चलाउन समेत आग्रह गरे ।

नेपालको भाषा, साहित्य, संस्कृति, सभ्यता र भूगोल कुनै पनि समृद्ध मुलुकहरुको भन्दा कम नभएको पनि मन्त्री भट्टराईले बताए । प्रतिष्ठानले आफ्नो वार्षिकोत्सवको अवसरमा सोमबार राष्ट्रिय कविता महोत्सवसमेत आयोजना गरेको थियो ।