birat ribon

विश्वमा ज्यान गुमाउने सङ्क्रमितको संख्या १६ लाख नजिक, अमेरिकामा मात्रै तीन लाख बढीको मृत्यु

Neuro
विश्वमा ज्यान गुमाउने सङ्क्रमितको संख्या १६ लाख नजिक, अमेरिकामा मात्रै तीन लाख बढीको मृत्यु

विराटनगर । विश्वमा कोरोना भाइरस सङ्क्रमणका कारण ज्यान गुमाउनेको संख्या शनिबार बिहानसम्ममा १६ लाख नजिक पुगेको छ ।

भाइरस महामारी सुरु भएयता दिन प्रतिदिन मृत्यु हुने सङ्क्रमितको संख्या बढिरहेको छ । केही समय यता दैनिक सात हजार बढीको मृत्यु भइरहेको वाल्डो मिटरले जनाएको छ । विशेष गरेर स्वास्थ्य सम्बन्धी पुराना विभिन्न समस्या भएका सङ्क्रमितको मृत्यु दर बढी छ । त्यसबाहेक ज्यान गुमाउनेमा वृद्धवृद्धा, बालबालिका र रोग प्रतिरोधात्मक क्षमता कमजोर भएकाहरु धेरै रहेका छन् ।

cura insider

पछिल्लो २४ घण्टामा ११ हजार पाँच सय ९३ जना सङ्क्रमितको ज्यान गएसँगै विश्वमा कोरोनाका कारण मृत्यु हुनेको संख्या १५ लाख ९९ हजार छ सय ६१ पुगेको हो । हालसम्म विश्वमा सङ्क्रमितको संख्या सात करोड १३ लाख ५१ हजार दुई सय ७० पुगेको छ । पछिल्लो २४ घण्टामा छ लाख ३४ हजार ७७ जनामा सङ्क्रमण पुष्टि भएको छ ।

सङ्क्रमितमध्ये चार करोड ९५ लाख १३ हजार सात सय ९९ जनाको उपचार सम्भव भएको छ । उपचार सम्भव भएकाहरु कोरोनामुक्त हुँदै डिस्चार्ज भएर घर फर्किएका छन् । विश्वमा हाल दुई करोड दुई लाख ३७ हजार आठ सय १० जनाको उपचार जारी छ । उपचार जारी रहेकामध्ये एक लाख छ हजार पाँच सय ८७ जनाको अवस्था चिन्ताजनक छ ।

विश्वमा कोरोनाका कारण सबैभन्दा बढी प्रभावित बनेको अमेरिकामा मात्रै हालसम्म ज्यान गुमाउने सङ्क्रमितको संख्या तीन लाख नाघेको छ । पछिल्लो २४ घण्टाभित्र दुई हजार चार सय ४७ जनाको मृत्यु भएपछि ज्यान गुमाउनेको संख्या तीन लाख दुई हजार एक सय ८५ पुगेको छ । अमेरिकामा केही समययता दैनिक दुई हजार बढी सङ्क्रमितले मृत्युवरण गरिरहेका छन् ।

एकै दिन एक लाख ८७ हजार आठ सय ५० नयाँ बिरामी थपिएपछि अमेरिकामा सङ्क्रमितको संख्या एक करोड ६२ लाख ३६ हजार सात सय ७८ पुगेको छ । सङ्क्रमितमध्ये ९४ लाख पाँच हजार ५५ जना उपचारपछि निको भएका छन् । ६५ लाख २९ हजार पाँच सय ३८ जना उपचाररत रहेकोमा २७ हजार तीन सय ३५ जनाको अवस्था गम्भीर छ ।

छिमेकी मुलुक भारतमा हालसम्म ज्यान गुमाउने सङ्क्रमितको संख्या एक लाख ४२ हजार छ सय १८ पुगेको छ । ९८ लाख २६ हजार ३१ जनामा सङ्क्रमण पुष्टि भइसकेको छ । एकै दिन २९ हजार ३९ नयाँ बिरामी थपिए । भारत कोरोनाका कारण प्रभावित हुनेमध्ये विश्वकै दोस्रो नम्बरमा छ ।

सङ्क्रमितमध्ये ९३ लाख २१ हजार दुई सय ४९ जनाको उपचार सफल भएको छ । सफल उपचार भएकाहरु निको हुँदै कोरोनामुक्त बनेर सामान्य जीवनमा फर्किएका छन् । तीन लाख ६२ हजार एक सय ६४ जनाको उपचार जारी छ । उपचाररतमध्ये आठ हजार नौ सय ४४ जनाको अवस्था चिन्ताजनक रहेको वाल्डो मिटरले जनाएको छ ।

ब्राजिलमा एकै दिन छ सय ५२ जनाको ज्यान गएसँगै हालसम्म मृत्यु हुने सङ्क्रमितको संख्या एक लाख ८० हजार चार सय ५३ पुगेको छ । पछिल्लो २४ घण्टामा ५२ हजार सात सय ७० जना नयाँ बिरामी थपिएपछि ६८ लाख ३६ हजार तीन सय १३ जनामा सङ्क्रमण पुष्टि भएको छ । ब्राजिलमा कोरोनाका कारण प्रभावित हुनेमध्ये विश्वमा तेस्रो नम्बरमा रहेको मुलुुक हो ।

सङ्क्रमितमध्ये ५९ लाख ५४ हजार सात सय ४५ जनाको उपचार सम्भव भएको । उपचार सम्भव भएकाहरु निको भएपछि सामान्य जीवनमा फर्किएका छन् । सात लाख एक हजार एक सय १५ जना उपचाररत रहेकोमा आठ हजार तीन सय १८ जनाको अवस्था गम्भीर रहेको छ ।

jackson ribon