birat ribon

कोसी अस्पतालले ७१ लाख भाडा उठाउन बाँकी, १९ ठेकेदार अटेरी

क्यान्टिनबाट १४ लाख उठाउन बाँकी

Neuro
कोसी अस्पतालले ७१ लाख भाडा उठाउन बाँकी, १९ ठेकेदार अटेरीक्यान्टिनबाट १४ लाख उठाउन बाँकी

विराटनगर/ कोसी अस्पतालको संरचना प्रयोग गरेबापत १९ वटा ठेकेदारले भाडा तिर्न अटेर गरेका छन् । अस्पतालले ती भाडेदारबाट ७१ लाख ७४ हजारभन्दा बढी असुल गर्न बाँकी छ ।

कोसी अस्पताल व्यवस्थापन समिति अध्यक्ष महेश भट्टराईका अनुसार अस्पतालमा भाडामा बसेका केही व्यवसायीले २७ महिनायता भाडा तिरेका छैनन् । अधिकांशले एक वर्षयता भाडा तिरेका छैनन् ।

cura insider

व्यवस्थापनमा नयाँ नेतृत्त्व आएलगत्तै बक्यौता उठाउन सुरु गरेको उनले बताए । अस्पताल प्रशासनको लापरवाहीका कारण भाडा सङ्कलन नभएको पाइएपछि तत्काल उठाउन निर्देशन दिइएको उनले बताए ।

‘२७ महिनायता भाडा सङ्कलन भएकै रहेनछ । ताकेता गरी भाडा उठान थालेका छौं,’ उनले भने, ‘भाडा नतिरेकाहरू सबैलाई एक महिनाको छुट पनि दिएका छौं ।’

भाडा बुझाउन ताकेतासहित ८ मंसिरमा पत्र काटेपछि केही भाडा बुझाउन थालेका छन् । ‘एकसाताको ताकेतासहित पत्र बुझाएका कारण २४–२५ लाख जति भाडा उठेको छ,’ उनले भने, ‘अरु भाडा उठ्नेक्रम जारी छ ।’ भाडा बुझाउन अटेर गरेकाहरूलाई ७ प्रतिशत जरिवानासहित एक साताभित्र शुल्क बुझाउन पत्र काटिएको उनले बताए ।

कसले कति भाडा तिर्न बाँकी ?

कोसी अस्पताल प्रशासनको तथ्याङ्कअनुसार भाडाबापत कोशी अस्पतालले क्यान्टिनबाट सबैभन्दा बढी रकम सङ्कलन गर्नुपर्ने छ । २०७५ असोज १ गतेबाट विनोद महतले मासिक ६१ हजार पाँचसय ५५ रुपैयाँ भाडा बुझाउनेगरी सटर भाडामा लिएका थिए । उनले १४ लाख आठ हजार तीन रुपैयाँ अस्पताललाई बुझाउन बाँकी छ ।

क्यान्टिन भाडामा लिएको दुई वर्षमा एक लाख २९ हजार २८८ रुपैयाँ बुझाएको अस्पतालको रेकर्डमा उल्लेख छ ।

सरोज खनालले सटर भाडामा लिएको २७ महिनासम्म भाडा तिरेका छैनन् । उनले मासिक ४३ हजार रुपैयाँ तिर्नेगरी सटर नम्बर ८/१ भाडामा लिएका थिए । अस्पताल प्रशासनका अनुसार पोखरेलले १२ लाख १३ हजार ४६० रुपैयाँ अस्पताललाई बुझाउन बाँकी छ ।

गोविन्द भगतले छ लाख ८४ हजार ८९६ रुपैयाँ भाडा बुझाएका छैनन् । उनले मासिक ७० हजार तीन सय रुपैयाँ तिर्नेगरी सटर नम्बर ९ भाडामा लिएका छन् । २०७४ कात्तिक १ गतेबाट सटर भाडामा लिएका उनले १९ लाख ८७ हजार रुपैयाँ तिरेका छन् । अझै छ लाख ८४ हजार रुपैयाँ बुझाएका छैनन् ।

पार्किङको भाडा पनि उठाउन बाँकी छ । पार्किङका लागि अयूव आलमलले मासिक ३१ हजार रुपैयाँमा ठेक्का लिएका थिए । २०७४ साल माघ १७ गतेदेखि ठेक्का पाएका उनले तीन वर्षको अवधिमा उनले चार लाख ३५ हजार नाै सय रुपैयाँ बुझाएका छन् । सात लाख ४० हजार १०७ रुपैयाँ बुझाउन बाँकी छ ।

त्यस्तै गङ्गादेवी सरदारले एक लाख २५ हजार ८० रुपैयाँ बुझाउन बाँकी छ । उनले मासिक पाँच हजार दस रुपैयाँमा अस्पतालको सटर भाडामा लिएकी थिइन् । सुभाषकुमार राजवंशीले एक लाख १९ हजार २३६ रुपैयाँ भाडा बुझाउन बाँकी छ । उनले मासिक दस हजार पाँच रुपैयाँ बुझाउनेगरी सटर भाडामा लिएका थिए ।

डोमा मण्डलले तीन लाख ९६ हजार ४१० रुपैयाँ बुझाउन बाँकी छ । उनले लिएको सटरको मासिक भाडा २१ हजार पाँच सय हो । तर २७ महिनामा एक लाख ९६ हजार पाँच सय ६० रुपैयाँ मात्र बुझाएकी छन् ।

कृष्ण पोखरेलले भाडा लिएको सटरको ५७ हजार ४६३ रुपैयाँ तिर्न बाँकी छ । मञ्जुदेवी मण्डलको नाममा भाडामा रहेको सटरबाट ६८ हजार १८६ रुपैयाँ भाडा असुल गर्न बाँकी छ ।

दीपचन्द मण्डलको नाममा रहेको सटरबाट एक लाख ५८ हजार ५४१ रुपैयाँ उठ्न बाँकी छ । उनले मासिक १५ हजार तीन सय रुपैयाँका दरले भाडा लिएका थिए ।

दुर्गादेवी मण्डलको नाममा भाडामा लागेको सटरबापत चार लाख दस हजार ७२२ रुपैयाँ उठाउन बाँकी छ । उनले मासिक ४० हजार चार सयका दरले सटर भाडामा लिएकी थिइन् ।

राधा धोवीले भाडामा लिएको सटरबाट दुई लाख ५० हजार १२८ रुपैयाँ उठाउन बाँकी छ । उनले मासिक दस हजार एक रुपैयाँका दरले सटर भाडामा लिएकी छन् ।

सपरलाल राजवंशीले भाडामा लिएको सटरबाट एक लाख ७१ हजार २९३ रुपैयाँ भाडा सङ्कलन भएको छैन । शान्ति लिम्बूको नाममा रहेको सटरबाट तीन लाख १४ हजार ७५१ रुपैयाँ उठेको छैन ।

रवि मुखियाले सटर प्रयोग गरेबापत तीन लाख १८ हजार ६१३ रुपैयाँ भाडा तिरेका छैनन् । छोटु मुखियाले पनि सटर प्रयोग गरेबापत दुई लाख ४३ हजार ५८२ रुपैयाँ भाडा तिरेका छैनन् । तुलसा ओलीले सटर प्रयोग गरेबापत एक लाख ४८ हजार ४३२ रुपैयाँ तिरेकी छैनन् ।

प्रवीण सहनीले ६९ हजार ८०५ रुपैयाँ भाडा बुझाउन बाँकी छ । वसन्तराज गौतमले दुई लाख ८२ हजार २२८ रुपैयाँ अस्पताललाई बुझाउन बाँकी छ । मासिक दस हजार रुपैयाँका सटर भाडामा लिएका उनले २७ महिनाको अवधिमा भाडा तिरेका छैनन् ।

jackson ribon

प्रतिक्रिया

  1. Nah tirne kasle banayo. Sab prasasan ko milemato ma hunx ra badi Judi khanxan. Chor ko desh ho Yo. Kam garne hami khane chor haru

Comments are closed.