Rumpum Advertisement

ओलीको नेतृत्वमा सरकार पूर्ण अवधिसम्म चल्छ : मन्त्री श्रेष्ठ

ओलीको नेतृत्वमा सरकार पूर्ण अवधिसम्म चल्छ : मन्त्री श्रेष्ठ

विराटनगर, ९ मंसिर । सहरी विकासमन्त्री कृष्णगोपाल श्रेष्ठले कुनैपनि हालतमा वर्तमान सरकार पूर्ण अवधिसम्म चल्ने बताएका छन् ।

मंगलबार विराटनगरमा सञ्चारकर्मीसँग कुरा गर्दै मन्त्री श्रेष्ठले नेपाली जनताले पाँच वर्षसम्म सरकार चलाउने म्यान्डेड दिएकाले आफ्नो अवधि पूरा नभएसम्म सरकार परिवर्तन नहुने बताए ।

मुलुकको राजनीतिक स्थायित्व, विकास र सम्वृद्धिका लागि आफ्नो पार्टीलाई दुई तिहाई नजिकको जनताको समर्थन रहेकाले सम्माननीय प्रधानमन्त्री केपी शर्मा ओलीको नेतृत्वमा सरकार पूर्ण अवधिसम्म चल्ने उनकाे भनाइ छ ।

नेपाल कम्युनिष्ट पार्टी (नेकपा) ठूलो पार्टी भएका कारण पार्टीभित्र केही असहमति हुनु स्वाभाविकै भएकाे उनले बताए ।

अहिले देखिएको विवादलाई कुशल व्यवस्थापन गर्न पार्टी नेतृत्व सक्षम रहेको पनि उनकाे भनाइ छ ।