birat ribon

मानव मुकुटधारी राक्षस

Neuro
मानव मुकुटधारी राक्षस

मुना मोहत्रा

Padelux insider
cura insider

छोटा दिनहरू,
छिप्पिँदै गरेका रातहरू
रातसँगै मनमा पैदा हुने त्रासहरू
थाहा छैन यो समयको रफ्तार हो
वा
मलाई कहीँ पुग्न हतार ।

घडीको टकटक
अनि मुटुको धकधक
बाहिरसम्मै सुनिइरहेछ
पोलमा निर्मलाका तस्बिरहरू चिच्याइरहेछन्
कयौं सम्झनाहरू प्रश्नको उत्तर खोजिरहेछन्
म आफ्नो गति पछ्याइरहेछु ।

मानव आकृति देख्दा तर्सिन्छु
कुकुर देख्दा ढुक्क हुन्छु
पसिनापसिना हुँदै कोठासम्म पुग्छु
रातभर मनमा प्रश्न उत्तर खेलिरहन्छ ।

बिहान
पत्रपत्रिका हेर्दिन
सामाजिक सञ्जालको भित्ताहरू चिहाउँदिन
टिभी अन गर्दिन
र पनि
समाचारका हेडलाइन अनुमान लगाउन सक्छु
बुबाद्वारा छोरी बलात्कृत,
नातिद्वारा हजुरआमा,
आफन्तीबाटै भइन् यौन हिंसाको सिकार,
एक युवतीमा एसिड प्रहार !

कयौँ रोदनहरू कान वरपर गुन्जिन्छन्
शरीर लगलग काँप्छ
महिना दिन नपुगेकी बालिकादेखि
वृद्ध आमासम्मको तस्बिर मस्तिष्कमा नाच्छ
म केही सम्हालिन खोज्छु
अनि आफ्नो पुरानै दैनिकीतिर लाग्छु ।

मैले सबैभन्दा सुरक्षित महसुस गर्ने काखहरू,
अगाडि बढ्न सिकाउने हातहरू,
थकान बिसाउने काँधहरू
कतै उनीहरूमा पनि
मानव मुकुटधारी राक्षस त लुकेका छैनन् ?

म भयवित हुन्छु
बसको यात्रा गर्न डराउँछु,
म अत्तालिन्छु अनि
केहीबेर आफैंलाई बिसाउँछु !

मिनी स्कर्टदेखि कुर्ता लगाउने नारी,
डाइपरमा भएका नानी
कोही पनि त छोडिएका हैनन्
हुन त पुरुष पनि
यस्ता घटनाका सिकार नभएका हैनन्
तर पनि
बलात्कारीभन्दा बलात्कृतमाथि प्रश्न गरिन्छ
पीडितमाथि नै औंला उठाइन्छ
बारम्बार यो दर्दनाक घटना
उसकै कारणले भएको महसुस गराइन्छ ।

दोषीलाई लुकाइन्छ
पीडितलाई लाचार पारिन्छ
म स्वतन्त्र छु जस्तो देखाइन्छ
तर बन्धक हुन बाध्य पारिन्छ
उता कानुन आँखामा पट्टी बाँधेर बसिरहन्छ
उता कानुन आँखामा पट्टी बाँधेर हाँसिरहन्छ !

jackson ribon