birat ribon

डा. केसीसँग वार्ता गर्न ७२ घण्टे अल्टिमेटम

Neuro
डा. केसीसँग वार्ता गर्न ७२ घण्टे अल्टिमेटम

विराटनगर, १९ असोज । नेपाल चिकित्सक संघले डा. गोविन्द केसीको माग सम्बोधनका लागि वार्ता टोली गठन गर्न सरकारलाई आइतबार ७२ घण्टे अल्टिमेटम दिएको छ।

डा. केसी अनशन बसेको २१ दिन पुगे पनि सरकारले बेवास्ता गरेकोप्रति गम्भीर ध्यानाकर्षण भएको संघले जनाएको छ। संघका महासचिव डा. बद्री रिजालले संस्थाका तर्फबाट हालसम्म गरिएका हरेक पहललाई सरकारले बेवास्ता गरेको भन्दै प्रेस विज्ञप्तिमार्फत आपत्ति जनाएका छन्।

cura insider

‘७२ घण्टाभित्र पनि सरकारले वार्ता टोली गठन गरी डा. केसीको जीवन रक्षाका निम्ति कुनै पहल अगाडि नबढाए जस्तोसुकै कठोर कदम चाल्न बाध्य हुने र यसबाट उत्पन्न हुन सक्ने गम्भीर परिस्थितिप्रति नेपाल सरकार नै जिम्मेवार हुनेछ’, विज्ञप्तिमा लेखिएको छ। वार्ताका निम्ति सहजीकरणको भूमिका निर्वाह गर्न संघ तयार रहेको व्यहोरा जनाइएको छ।

संघले विभिन्न विशेषज्ञ समाज, पूर्वअध्यक्ष, पूर्वमहासचिव, काठमाडौं उपत्यकामा रहेका अस्पतालका निर्देशकहरूसहित संघको परिषद् बैठक राखी बृहत् छलफल गरेको थियो। डा. केसीको स्वास्थ्य अवस्था गम्भीर हुँदै गएको छ। उपचारमा संलग्न मेडिकल टिमका संयोजक डा. सुवासप्रसाद आचार्यका अनुसार उनको मुटुको चाल द्रुत देखिएको छ। छातीको केन्द्रमा दुख्न थालेको छ। मांसपेशी दुख्नुका साथै रिँगटा लाग्न थालेको छ। केसीको यो १९औं अनशन हो। आजको अन्नपूर्ण पोस्टमा समाचार छ

jackson ribon