birat ribon

ब्याडमिन्टन खेलाडी अभ्यासमा फर्किए

Neuro
ब्याडमिन्टन खेलाडी अभ्यासमा फर्किए

काठमाडौ, ११ असोज । आइतबारबाट त्रिपुरेश्वरस्थित राखेपको कर्भड हलमा ब्याडमिन्टन टिमले अभ्यास थालेको छ । लामो समयदेखि हुन नसकेको अभ्यासमा फर्किन पाउँदा खेलाडी उत्साहित भएका छन् ।

तर पहिलो दिन खेलाडी कभर्ड हलमा पस्दा हलको अवस्था भने दयनीय देखियो । एकातिर कभर्ड हल मर्मत सम्भार काम भइरहेको थियो भने अर्कोतिर खेलाडी आफैं सरसफाइमा जुट्दा अभिभावक संस्था राष्ट्रिय खेलकुद परिषद (राखेप) भने यस बारेमा बेखबर थियो ।

cura insider

कोरोना भाइरस (कोभिड–१९)को असरबाट ठप्प भएको नेपालको खेलकुद अझै चलायमान हुन सकेको छैन । गत साताबाट सरकारले निषेधाज्ञा हटाएपछि अन्य क्षेत्र जस्तै खेलकुद पनि फर्किने सोचमा छ । ब्याडमिन्टनका केही खेलाडी बिहानै कभर्डहलमा उपस्थित थिए । प्रशिक्षण गराउन कोरियन प्रशिक्षक चोई सिउन कुक वार्मअप गरिरहेका थिए ।

कोरोना भाइरसका कारण कोर्ट बाहिर रहेका खेलाडीहरुमा उमंग छुट्टै देखिन्थ्यो । तर कभर्ड हलभित्र पस्दा वातावरण भने निकै फरक थियो । खेलाडीहरु बाल्टीमा पानी, हातमा झाडु र ब्रसले परेवाले बिस्टाएको फोहोर सफा गर्न व्यस्त थिए ।

थला परेको खेलकुद फर्किनु अहिलेको आवश्यकता हो । खेलाडी अभ्यासमा फर्किन पाउनु पनि सकारात्मक विषय हो । नेपाल ब्याडमिन्टन संघ पनि अभ्यासमा फर्काउन पाउँदा खुसी छ । खेलाडीलाई कोर्टमा फर्काउन राखेपले तोकेका मापदण्ड पालना गर्न सबै खेलाडी तयार छन् । आइतबारबाट अभ्यासमा फकिर्न संघले जानकारी गराएर अनुमति पाए पनि वातावारण भने खेलाडीमैत्री नहुनु विडम्बना हो ।

दुई घन्टा लामो सरसफाइपछि कोरियन प्रशिक्षक चोई सिउन कुकले पहिलो दिन कोर्टमा खेलाडीलाई सामान्य अभ्यास गराए । तीन महिनाअघि नेपाल आएका प्रशिक्षक चोईले पहिलो चरणमा खेलाडीको फिटनेसलाई ध्यान दिने बताए । प्रशिक्षणको पहिलो दिन १० खेलाडी उपस्थित थिए ।

नेपालमा खेलकुदका पूर्वाधार न्यून र सीमित छन् । एउटै स्थलमा धेरै प्रतियोगिता गर्न हामी विवश छौं । तर भएका सीमित पूर्वाधारलाई पनि सही तरिकाले संरक्षण गर्न नसक्नु आलोचनाको विषय हो । राष्ट्रका लागि खेल्ने खेलाडीलाई उचित वातावरणबाट खेलमा फर्काउन राज्यले सकारात्मक भूमिका खेल्न आवश्यक छ ।

jackson ribon