सामूहिक बलात्कार आरोपमा दुई बालकसहित तीन जना पक्राउ

ओखलढुंगा, ३० भदाै । ओखलढुंगामा चम्पादेवी गाउँपालिकाकी १६ वर्षीया बालिकालाई सामूहिक बलात्कार गरेको आरोपमा तीन जना पक्राउ परेका छन् ।

जिल्ला प्रहरी कार्यालयका प्रहरी निरिक्षक मिलन बस्नेतका अनुसार पीडित पक्षले प्रहरीमा दिएको जाहेरीका आधारमा १४ र १६ वर्षका दुई बालकसहित १८ वर्षका युवकलाई पक्राउ गरिएको हो ।

आरोपितलाई जिल्ला प्रहरी कार्यालय ओखलढुंगा ल्याइएको छ । घटनाका विषयमा अनुसन्धान भइरहेको र तीनमध्ये एक जनाले बलात्कार गर्न सहयोग गरेको तथा अन्य दुईले बलात्कार गरेको प्रारम्भिक अनुसन्धानमा खुलेको प्रहरी निरीक्षक बस्नेतको भनाइ छ ।

बालिकाको स्वास्थ्य परीक्षणपछि उपचार भइरहेको प्रहरीले जनाएको छ । रासस

Loading...