रगतमा भएको भिटामिन ‘डी’को आधारमा मृत्युको पूर्वानुमान गर्न सकिने दाबी

एजेन्सी, २८ भदाै । रगतमा रहेको भिटामिन ‘डी’ को तहका आधारमा स्वास्थ्यको भविष्यवाणी गर्न सकिने एक अध्ययनले निष्कर्ष निकालेको छ ।

अध्ययनकर्ताहरूले भिटामिन ‘डी’ को आधारमा कुनै पनि प्राणीको मृत्युको पुर्वानूमान गर्न सकिनेसमेत दाबी गरेका छन् ।

स्वास्थ्यमा आउने भावी चुनौतीलाई पनि भिटामिन ‘डी’को अध्ययनबाट थाहा पाउन सकिने अध्ययनकर्ताहरूको भनाइ छ ।

‘भावी स्वास्थ्य अवस्था र स्वास्थ्य चुनौतीलाई रगतमा रहेको भिटामिन ‘डी’को अवस्थाका आधारमा भन्न सकिन्छ’, अध्ययन प्रतिवेदनमा लेखिएको छ ।

भिटामिन ‘डी’को अध्ययनले कुनै पनि व्यक्तिको स्वास्थ्य अवस्थाका बारेमा थप अध्ययन अनुसन्धान गर्न र विवरणहरू पत्ता लगाउन पनि सघाउन पुर्‍याउने अध्ययनकर्ताहरूले बताएका छन् ।

बेल्जियमको फ्युनिभर्सिटी हस्पिटल्स लेउभेन’का डा लिन एन्टोनिओको टोलीले भिटामिन ‘डी’ र स्वास्थ्यको पूर्वानुमानका बारेमा अध्ययन गरेको हो ।

अध्ययनमा ४० देखि ७९ वर्षसम्ममा मानिसहरूलाई समावेश गरिएको थियो । उनीहरूमाथि सन् २००३ देखि २००५ सम्म अध्ययन गरिएको थियो । अध्ययनमा एक हजार ९७० जना संलग्न भएका थिए ।

अध्ययनको नेतृत्वकर्ता डा एन्टोनिओले भने, “भिटामिन डिको अवस्थाको अध्ययनले तत्कालीन स्वास्थ्य अवस्थादेखि भविष्यमा आउनसक्ने स्वास्थ्य चुनौती र मृत्युसम्मको कुरालाई पनि पूर्वानुमान गर्न सक्ने देखिन्छ ।”

उनको टोलीले गरेको अध्ययनको प्रतिवेदन हालै मात्रै तयार भएको हो । रासस

Loading...