विश्व प्राथमिक उपचार दिवस आज

विराटनगर, २७ भदौ । सेप्टेम्बर महिनाको दोस्रो शनिबार आज विश्व प्राथमिक उपचार दिवस मनाइँदैछ ।

दिवसको नारा ‘महामारी अनुकूल प्राथमिक उपचारको अभ्यास’ तय गरिएको छ । प्राथमिक उपचारको महत्वका विषयमा समुदायमा चेतना अभिवृद्धि गर्ने र प्राथमिक उपचार गर्ने स्वयंसेवकहरूलाई सम्मान गर्ने उद्देश्यले हरेक वर्ष यो दिवस मनाउने गरिन्छ ।

प्रत्येक वर्ष विश्व प्राथमिक उपचार दिवस सेप्टेम्बर महिनाको दोस्रो शनिबार मनाइन्छ । यस वर्ष विश्वव्यापी महामारी कोभिड–१९ को कारण विगत वर्षहरूमा झै आम उपस्थिति र सहभागितामा कार्यक्रम हुन नसक्ने अवस्था छ ।

तर नेपाल रेडक्रस सोसाइटीले विशेष सुरक्षा सावधानी अपनाउँदै प्राथमिक उपचार ज्ञान र सीपको प्रवद्र्धन गर्ने खालका भर्चुअल अभिमूखीकरण, कृत्रिम घटना अभ्यास, आकस्मिक प्राथमिक उपचार सीप प्रवद्र्धन लगायतका गतिविधिहरू ७७ वटै जिल्लामा आयोजना गर्ने भएको छ ।

हालसम्म मुलुकभर एक हजार दुई जना प्रशिक्षक र ३० हजार जना प्राथमिक उपचार स्वयंसेवकहरू विकास गरी सेवा प्रदान गरिएकोे नेपाल रेडक्रस सोसाइटीले जनाएको छ ।

Loading...