युवराजले गरे सन्साय फिर्ता लिने निर्णय

एजेन्सी, २५ भदौ । भारतीय क्रिकेटर युवराज सिंहले सन्यास फिर्ता लिने निर्णय गरेका छन् । भारतीय मिडियाहरूका अनुसार विश्वकप विजेता युवराजले पञ्जाब क्रिकेट संघ (पीसीए)को अनुरोधमा सन्यास फिर्ता लिने निर्णय गरेका हुन् ।

३८ वर्षीय युवराजले जुन २०१९ मा क्रिकेटबाट सन्यासको घोषणा गरेका थिए । सन्यासपछि उनी विदेशी लिग खेल्नका लागि गएका थिए । यसैकारण उनले आईपीएल खेल्न पाएका थिएनन् ।

अब पञ्जावका लागि खेल्ने मनसाय बनाएको युवराजले बताएका छन् । युवराजले हालै पञ्जावका युवा क्रिकेटहरूलाई अभ्यासमा सहायता पनि गरेका थिए ।

पीसीएका सचिव पुनीत बालीले युवराजलाई सन्यास फिर्ता लिन अनुरोध गरेका थिए । र, युवराजले सो अनुरोध स्वीकारेको भारतीय मिडियाले जनाएका छन् ।

Loading...