Rumpum

Rumpum Advertisement

कांग्रेसभित्र देखिएको विवाद र भागबण्डाको राजनीति अन्त्य गर्न आग्रह

कांग्रेसभित्र देखिएको विवाद र भागबण्डाको राजनीति अन्त्य गर्न आग्रह

काठमाडाैं, २४ भदाै । नेपाली कांग्रेसभित्र पछिल्लो समयमा देखिएका विवाद र भागबण्डाको राजनीतिलाई अन्त्य गर्दै पार्टीलाई विधिसम्मत ढङ्गबाट अगाडि बढाउन आग्रह गरिएको छ ।

नेपाली राजनीतिका शिखर व्यक्तित्व बिपी कोइरालाको १०७औं जन्मजयन्तीको अवसरमा प्रजातान्त्रिक विचार समाजले बुधबार विज्ञप्ति जारी गरी लोकतान्त्रिक पार्टीमा कुनै पनि विचारलाई लिएर छलफल र बहस भएपनि विधि र प्रक्रियाअनुसार गतिविधि अगाडि बढाउन आग्रह गरेको हो ।
मुख प्रतिपक्षमा रहेको नेपाली काँग्रेसको तर्फबाट जुन किसिमले अहिले खवरदारी गर्नुपर्ने हो, त्यसो हुन नसकेको भन्दै देशको वर्तमान संकटको बेला काँग्रेस आन्तरिक विवादमा रुमलिरहेको समाजको भनाइ छ ।

विज्ञतिमा भनिएको छ, ‘मुलुकको सबैभन्दा पुरानो लोकतान्त्रिक पार्टी विधि र पद्दतिमा हिँडेर अरु दललाई समेत यस विपरीत नहिँड्न सचेत गराउनुपर्नेमा आफैँ नीति नियम मिचेर हिँड्न खोजेको त होइन भन्ने भान परिरहेको छ ।’

बिपीको राजनीतिक, आर्थिक र सामाजिक सोच र चिन्तन मुलुकको विकासका लागि सान्दर्भिक रहेको जनाउँदै समाजले त्यसलाई पूरा गराउने कार्यमा बिपी विचारको नेतृत्व गरिरहेको दल काँग्रेसले अगुवाइ गर्नुपर्नेमा जोड दिएको छ ।

समाजले कोभिड–१९ सङक्रमणबाट पार पाउन वा त्यसका विरुद्ध लड्न सबै राजनीतिक दललाई आग्रह समेत गरेको छ । रासस