बाफ लिँदा कोरोना भाइरस मर्दैनन्

विराटनगर, ३२ साउन । अधिकांश मानिसहरूले स्टीम थेरापी (बाफ लिँदा) कोरोना भाइरस मार्छ भन्ने दाबी गर्दै सामाजिक सञ्जालहरूलमा शेयर गर्दै आइरहेका छन् ।

यी दाबीहरूमा मानिसहरूलाई पानी उमाल्न (कहिलेकाहिँ अन्य सामग्रीहरूसहित) र कोरोना भाइरसलाई मार्न वा हटाउनको लागि बाफ लिन सल्लाह दिइन्छ ।

केही पोष्टहरूमा १५ मिनेट वा लामो समयसम्म बाफ लिन सल्लाह दिइएको पाइन्छ  । तर, बाफ लिँदा कोरोना भाइरसलाई मर्छ वा लाग्दैन भन्ने गरिएको दाबीहरू गलत हुन् ।

संयुक्त राज्य अमेरिका रोग नियन्त्रण र रोकथाम केन्द्र (सीडीसी) तथा विश्व स्वास्थ्य संगठन (डब्ल्यूएचओ)ले हालसमम कोरोना भाइरसको उपचारका लागि स्टीम लिनुपर्ने सुझाव दिएका छैनन् ।

सीडीसीका एक प्रतिनिधिले स्टीम थेरापीले कोरोना भाइरस मार्न मद्दत गर्न सक्ने विषयमा हालसम्म आफूलाई कुनै पनि वैज्ञानिक अध्ययनको बारेमा थाहा नभएको बताएका छन् ।

स्टीम थेरापीले रुघाखोकी तथा फ्लू भएको बेलामा केही राहत दिएर सहयोग पुर्‍याउने भएपनि समग्रमा वैज्ञानिक अध्ययनमा यसको उपयोगिताको प्रमाण नभएको बताइएको छ ।

स्टीम थेरापी अभ्यासले कोरोना भाइरसलाई मार्नुभन्दा पनि थप जोखिम पुर्‍याउनसक्ने हुन सक्छ ।

स्पेनिश पेडियाट्रिक्स एसोसिएसनले प्रकाशित गरेको अध्ययनमा स्टीम इनहेलेसन थेरापीको प्रयोगले अनुहार पोल्ने सम्भावना निम्त्याउँछ ।

तातो भाडाँमा राखिएको तातो पानीमा टाउको राखेर टाउलले छोप्ने सामान्य तरिकाले पानी भाप वा भाडाँको सम्पर्कका कारण नै अनुहार पोल्ने खतरा रहन्छ ।

Loading...