birat ribon

चिकित्सकको लापरवाहीले मृत्यु भयो भन्दै आफन्तले तोडफोड गरे, बिरामी निको भएर घर फर्किए

Neuro
चिकित्सकको लापरवाहीले मृत्यु भयो भन्दै आफन्तले तोडफोड गरे, बिरामी निको भएर घर फर्किए

चितवन, २४ असार । मृत्यु भएको भनिएका व्यक्ति घर फर्किएका छन् । चितवन मेडिकल कलेजमा उपचारका क्रममा मृत्यु भएको भनिएका भरतपुर महानगरपालिका–२२ का १८ वर्षीय आशिष विक निको भएर मङ्गलबार अस्पतालबाट घर फर्किएका हुन ।

उपचारमा लापरवाही गरी मृत्यु भएको भन्दै आफन्तले अस्पताल ताडेफोड पनि गरेका थिए ।

cura insider

एपेन्डिसाइटिसको शल्यक्रिया गरेका विकलाई समस्या देखिएपछि भेन्टिलेटरमा राखेर उपचार गरिएको थियो । सोही समयमा निजको मृत्यु भयो भन्ने हल्ला भएसँगै उनका आफन्तले अस्पतालमा तोडफोड गरेका थिए ।

तोडफोडबाट अस्पतालको सघन उपचारकक्षको झ्यालका सिसा फुटेका थिए । तोडफोड गर्नेलाई प्रहरीले नियन्त्रणमा लिएको थियो ।

उपचारपछि डिस्चार्ज हुने क्रममा विकले आफूले नयाँ जीवन पाएको बताए । ‘मेरो मृत्यु भयो भन्ने हल्ला चलाइएछ तर अहिले डिस्चार्ज भएर घर फर्कँदै छु ’उनले भने ।

अस्पतालको अथक प्रयासपछि आफ्नो छोरोले नयाँ जीवन पाएको बुबा केदारले बताए ।

अस्पताल तोडफोडका विषयमा परिवार संलग्न नभएको उनले बताए ।

एपेन्डिसाइटिसको उपचारका लागि जेठ २७ गते चितवन मेडिकल कलेज उपचारका लागि ल्याइएको थियो । उनको जेठ २९ गते मृत्यु भएको भनी अस्पतालमा तोडफोड गरिएको थियो ।

बिरामीलाई घर पठाउँदै अस्पतालका अध्यक्ष एवं प्रबन्ध निर्देशक प्रा डा हरिशचन्द्र न्यौपानेले एपेन्डिसाइटिस बिग्रिएर आन्द्राले काम गर्न छोडेकामा उपचारपछि निको भएर घर जान लागेको बताए । रासस

jackson ribon