birat ribon

होमियो चिकित्सा काउन्सिल गठन गर्न सुझाव

Neuro
होमियो चिकित्सा काउन्सिल गठन गर्न सुझाव

विराटनगर, २२ असार । प्रदेश १ मा होमियो चिकित्सकहरुको दर्ता हुने काउन्सिलको गठन गर्न कार्यदलले सुझाव दिएको छ ।

Padelux insider
cura insider

सामाजिक विकास मन्त्रालयले गठन गरेको होमियोप्याथिक सेवा विकास तथा विस्तार अध्ययन कार्यदलले सामाजिक विकास मन्त्री जीवन घिमिरेलाई अध्यन प्रतिवेदन बुझाउँदै काउन्सिल गठन गर्न सुझाव दिएको हो ।

कार्यदलले स्वास्थ्यमा मन्त्रालयका साथै सामाजिक विकास मन्त्रालयमा होमियोप्याथिक शाखा कायम गर्नुपर्ने सुझाव दिएको छ ।

होमियोप्याथियक चिकित्सा पद्धतीको छुट्टै नीति र सिद्धान्तको चिकित्सा प्रणाली भएको हुनाले यसको समुचित विकास र विस्तार गर्न विषय विज्ञको आवस्यकता कार्यदलले औल्याएको हो ।

प्रदेश १ मा ८० वटा होमियोप्याथिक सञ्चालनमा छन् । सामाजिक विकास मन्त्रालयले प्रदेश १ मा होमियोप्याथिक संस्थाहरुबाट प्रदान हुँदै आएको सेवा, पहुँच, श्रोत साधनको अध्ययन गर्ने कार्यविवरण दिएको थियो ।

सामाजिक विकास मन्त्रालयका जनस्वास्थ्य प्रशासक डा.सुरेश मेहताको संयोजकत्वमा ७ सदस्यीय कार्यदलले मन्त्री घिमिरेलाई अध्ययन प्रतिवेदन बुझाएको थियो ।

कार्यदलमा अल नेपाल होमियोप्याथिक एशोसिएसनका अध्यक्ष डा. केपी सुवेदी, नेपाल होमियोप्याथिक चिकित्सक संघ अध्यक्ष डा. रविन्द्र रायलगायत थिए ।

jackson ribon