झापामा थप २८ जनामा कोरोना संक्रमण

विराटनगर, १६ जेठ । झापामा थप २८ जनामा कोरोना संक्रमण पुष्टि भएको छ ।

कोशी अस्पतालको प्रयोगशालामा परीक्षण गर्दा २७ र विपी कोइराला स्वास्थ्य विज्ञान प्रतिष्ठान धरानमा परीक्षण गर्दा १ जनामा कोरोना पोजेटिभ देखिएको हो ।

प्रदेश १ सामाजिक विकास मन्त्रालयका अनुसार शुक्रबार थप २८ जनामा कोरोना संक्रमण पुष्टि भएपछि प्रदेश १ मा संक्रमितको संख्या १५८ पुगेको छ ।

कोशी अस्पताल विराटनगरकी मेडिकल सुपरीटेण्डेन्ड डाक्टर संगीता मिश्राले शुक्रबार परीक्षण गर्दा झापा कचनकवल गाउँपालिकाका २७ जनाको कोरोना रिपोर्ट पोजेटिभ आएको हो । धरानमा काेराेना पुष्टि भएका व्यक्ति झापा भद्रपुरका हुन ।

योसँगै झापाको कचनकवलमा मात्र कोरोना संक्रमितको संख्या एकसय पुगेको छ । बिहीबार कचनकवलका ७३ जनामा संक्रमण देखिएको थियो । भद्रपुरमा भने पहिलो संक्रमण देखिएको हो ।

Loading...