birat ribon

अमेरिकामा झण्डै २ करोड बेरोजगार

Neuro
अमेरिकामा झण्डै २ करोड बेरोजगार

न्युयोर्क, २७ वैशाख । अमेरिकामा गत अप्रिल महिनामा १४.७ प्रतिशत बेरोजगार बनेका छन् ।

कोरोना भाइरसको महामारीका कारण उद्योग व्यापारबन्द भएकाले बेरोजगारी बढेको हो ।

cura insider

अमेरिकामा यसअघि १०.४ प्रतिशत बेरोजगारी दर रहेकोमा बढेर १४.७ प्रतिशत पुगेको तथ्यांकले देखाएको छ । यो बृद्धिदर सन् १९४८ पछिकै सवैभन्दा धेरै हो ।

अमेरिकामा अप्रिल महिनामा मात्रै झण्डै २ करोड नागरिकले रोजगारी गुमाएका छन् । गत मार्च महिनामा ७ लाख १० हजार मानिसले रोजगारी गुमाएका थिए।

कोरोना भाइरसको कारण अहिले करिब ३१ करोड अमेरिकी घरमै बसेका छन् ।

हालै सार्वजनिक भएको एक प्रतिवेदनमा हरेक मुख्य क्षेत्रमा धेरै मानिसको रोजगारी कटौती भएको छ ।

अधिकारीहरुका अनुसार अमेरिकामा पहिलो पटक सवैभन्दा धेरै मानिसले बेरोजगारी भत्ताका लागि फाराम भरेका छन् । पछिल्लो विवरणमा ३ करोड ३० लाख नागरिकले बेरोजगारी भत्ताको माग गरेका छन् ।

बेरोजगारको संख्या बढ्दै जाने र उद्योग व्यापार बन्द हुदै जाने गरेकाले अमेरिकी सरकारले विभिन्न राहतका व्याकेजहरु पनि घोषणा गरेको छ ।

jackson ribon