Rumpum

Rumpum Advertisement

रिसका कारण आफैं गाडी चलाएर ल्याम्बोर्गीनी किन्न हिँडेका पाँचवर्षे बालक, खल्तीमा जम्मा तीन डलर

रिसका कारण आफैं गाडी चलाएर ल्याम्बोर्गीनी किन्न हिँडेका पाँचवर्षे बालक, खल्तीमा जम्मा तीन डलर

एजेन्सी, २४ वैशाख । अमेरिकाको यूटा राज्यमा पाँच वर्षीय बालक गाडी चलाएको कारण प्रहरीको नियन्त्रणमा पुगेका छन् ।

राजमार्गमा ५० किलोमिटर प्रतिघण्टाको गतिमा गुडिरहेको गाडीले सडक अनुशासन पालना नगरेको देखेपछि प्रहरीले गाडी रोकेको थियो ।

चालकले प्रहरीको निर्देशन अनुसार गाडी पनि रोके । तर, चालकको आसनमा एउटा बालकलाई देख्दा प्रहरीहरू छक्क परेका थिए ।

एड्रीअनले आफू महँगो ल्याम्बोर्गीनी गाडी किन्न अर्को राज्यतिर जान लागेको प्रहरीलाई बताएका छन् ।

बालकका अनुसार आफूले कम्तीमा एक लाख ८० हजार डलर पर्ने गाडी किनिदिन गरेको अनुरोध आमाले नमानेपछि रिसाएर उनी घर छोडेर हिँडेको प्रहरीले ट्विटरमा लेखेको छ ।

एड्रीअनले खल्तीमा तीन डलर मात्र बोकेका थिए ।

पाउदानसम्म खुट्टा पुर्‍याउन ती बालक सीटको छेउमा बसेको र गाडी चलाएर आफ्नो घरबाट पाँच मिनेटको दूरीमा पुगेको प्रहरीको भनाइ छ ।

सो घटनामा कसैलाई चोट नलागेको हुदा स्थानीय अधिकारीले अभिभावकलाई कारबाहीका लागि मुद्दा लगाउने वा नलगाउने निर्णय गर्ने छ ।

घटनाको बेला दुवै अभिभावक काममा रहेको र ती बालक दाजुको निगरानीमा छोडिएको बताइएको छ ।

घटनापछि प्रहरीले बालबालिकाका पहुँचमा गाडीको साँचो नराख्न आग्रह गरेका छन् ।