birat ribon

एक नम्बर प्रदेशमा थप पीसीआर ल्याब सञ्चालन, दैनिक ३०० को कोरोना परीक्षण गर्न सकिने

Neuro
एक नम्बर प्रदेशमा थप पीसीआर ल्याब सञ्चालन, दैनिक ३०० को कोरोना परीक्षण गर्न सकिने

विराटनगर, २० वैशाख । विराटनगरस्थित पशुपक्षी रोग अन्वेषण प्रयोगशालामा कोभिड–१९ का शङ्कास्पद बिरामीको स्वाब परीक्षण शुक्रबारदेखि सुरु भएको छ ।

एक नम्बर प्रदेशका सामाजिक विकासमन्त्री जीवन घिमिरेले प्रयोगशालाको निरीक्षण गर्दै प्रदेश सरकारले कोभिड–१९ परीक्षणका लागि थप ल्याब सञ्चालन गरेसँगै प्रतिदिन ३०० भन्दा बढी शंकस्पद बिरामीको थ्रोट स्वाब परीक्षण गर्न सकिने बताए ।

cura insider

उनले कोभिड–१९ परीक्षणको मात्रा बढाउँदै लगेको बताए ।

मन्त्री घिमिरेले प्रयोगशालामा दैनिक २० जनासम्मको परीक्षण गर्न सकिने उल्लेख गर्दै बिपी कोइराला स्वास्थ्य विज्ञान प्रतिष्ठान धरानको क्षमता विस्तार गरी १०० बढी र कोशी अस्पतालमा २०० जनासम्मको परीक्षण गर्न सकिने जानकारी दिए ।

सो ल्याबको परीक्षणमा कोभिड–१९ को पोजेटिभ रिपोर्ट आएमा पुनः कोशी अस्पतालमा परीक्षण गरिने प्रदेश नं १ जनस्वास्थ्य प्रयोशालाका निर्देशक जयवेन्द्र यादवले बताए ।

उक्त ल्याबबाट यसअघि वर्डफ्लु, स्वाइनफ्लु, एन्थ्रेक्सको परीक्षण हुँदै आएको उनले बताए । प्रदेश सरकारले पिसीआर मेसिन र किट उपलब्ध गराएपछि प्रयोगशालाबाट स्वाब परीक्षण सुरु गरिएको हो । रासस

jackson ribon