birat ribon

डब्ल्यूएचओको लोगो जथाभावी प्रयोग नगरिदिन आग्रह

Neuro
डब्ल्यूएचओको लोगो जथाभावी प्रयोग नगरिदिन आग्रह

काठमाडौँ, १९ वैशाख । विश्व स्वास्थ्य सङ्गठन (डब्ल्यूएचओ) ले आफ्नो लोगो जथाभावी प्रयाेग नगरिदन आग्रह गरेको छ ।

Padelux insider
cura insider

डब्ल्यूएचओको नेपालस्थित कार्यालयले संगठनको लोगो वा प्रतीकको प्रयोग संगठनद्वारा अनुमोदन गरिएका सामग्रीहरुमा मात्र प्रयोग गर्न सकिने कुरा प्रस्ट पारेको हो ।

नेपालमा विभिन्न प्रयोजनहरुमा सङ्गठनको लोगो अनधिकृत रुपमा प्रयोग भएको बारेमा आफ्नो ध्यानाकर्षण भएको जनाउँदै सङ्गठनले आज एक विज्ञप्ति जारी गर्दै भनेको छ – “यो लोगो प्रयोग भएको कुनै पनि सामग्री भनेको उक्त सामग्री डब्ल्यूएचओद्वारा अनुमोदन गरिएको हो भन्ने सङ्केत गर्दछ । डब्ल्यूएचओको लोगो वा प्रतीक डब्ल्यूएचओको लिखित अनुमतिद्वारा मात्र प्रयोग गर्न सकिन्छ ।”

लोगोको उपयोग डब्ल्यूएचओसँग आधिकारिकरुपमा सहकार्य गरिरहेका तथा डब्ल्यूएचओका साथ काम गरिरहेका सरकारी निकायहरू र संस्थाहरूका लागि मात्र सीमित गरिएको पनि सङ्गठनले स्पष्ट गरेको छ ।

सङ्गठनको लोगो प्रयोग गर्न अनुमति प्राप्त गर्ने प्रक्रियाका लागि अवलम्बन गर्नुपर्ने निर्देशिका सङ्गठनको वेबसाइटमा उपलब्ध रहेको जानकारी दिँदै सङ्गठनले सरोकारवालालाई सोही बमोजिम गर्न गराउन पनि अनुरोध गरेको छ ।रासस

jackson ribon