birat ribon

ज्वरो देखिएपछि विराटनगरका निजी अस्पतालले भर्ना गर्न नमानेका विरामीको मृत्यु

Neuro
ज्वरो देखिएपछि विराटनगरका निजी अस्पतालले भर्ना गर्न नमानेका विरामीको मृत्यु

विराटनगर, १८ बैशाख । विराटनगरका निजी अस्पतालहरुले भर्ना गर्न नमानेका विरामीको मृत्यु भएको छ ।

Padelux insider
cura insider

मृगौला र लिभरमा समस्या भएका बिरामीलाई ज्वरो आएको भन्दै विराटनगरका निजी अस्पतालले भर्ना गर्न अस्वीकार गरेका थिए ।

बिहीबार दिउँसो धरान लगिएका देवानगञ्ज–१ सुनसरीका ३५ वर्षीय रवीन्द्र यादवको मृत्यु भएको हो ।

आइतबार घरमा हार्बिसाइड (खेतमा प्रयोग हुने किटनाशक) सेवन गरेका यादवलाई कोशी अस्पताल भर्ना गरिएको थियो ।

उपचारका क्रममा उनको स्वास्थ्य अवस्था बिग्रँदै गयो । अवस्था बिग्रिएपछि अस्पतालले भेण्टीलेटरमा राख्नुपर्ने भन्दै बिरामीलाई रेफर गर्‍यो ।

बुधबार कोशीले रेफर गरेपछि आफन्तले नोबेल मेडिकल कलेज लगे । तर ज्वराे देखिएकाे भन्दै नोबेलले भर्ना गर्न मानेन ।

अस्पतालले भर्ना नगरेपछि राति कोशी अस्पताल नै ल्याए । तर कोशीले भेण्टीलेटर नभएकाले भर्ना गर्न नमानेपछि एम्बुलेन्समा हालेर आफन्तले घरमा नै लगे ।

बुधबार राति ऋण खोजेर बिहीबार पुनः एम्बुलेन्समा नोबेल मेडिकल कलेज ल्याए । ज्वरो आएको भन्दै नोबेलले कोभिड अस्पताल लैजान भन्यो । त्यस पछि गाेल्डेन ,न्यूराे, गृनक्रस, लाइफ गार्ड लगेका थिए । तर तर सबैले गेटबाट नै फर्काइदिए ।

धरानमा उपचारका क्रममा ६ बजे मृत्यु भएको बुबा जोगिलाल यादवले बताए ।

विपी कोइराला स्वास्थ्य विज्ञान प्रतिष्ठानले शव पोष्टमार्टम पछि आफन्तको जिम्मा लगाउने बताएको छ ।

jackson ribon