birat ribon

नेता सिटौलाले छोराको विवाहभोजको रकम स्थानीय तहलाई दिए

Neuro
नेता सिटौलाले छोराको विवाहभोजको रकम स्थानीय तहलाई दिए

झापा, १६ वैशाख । नेपाली कांग्रेसका नेता कृष्णप्रसाद सिटौलाले आफ्ना छोरा श्यामको विवाहमा गरिने भोजको रकम स्थानीय तहलाई प्रदान गरेका छन् ।

नेता सिटौलाले सोमबार झापाको बाह्रदशी, कचनकवल र हल्दिवारी गाउँपालिकासहित भद्रपुर तथा विर्तामोड नगरपालिकालाई रु पाँँच लाख प्रदान गरेका हुन् ।

cura insider

आइतबार सिटौलाले आफ्ना छोरा श्यामको विवाह गराएका थिए ।

नेता सिटौला लकडाउनको पालना गर्दै बेहुला श्याम, आफ्ना दुई अङ्गरक्षक र अन्य तीन गरी सात जना मात्र जन्ती लिएर बेहुलीको घर विर्तामोड पुगेका थिए ।

उता बेहुली पक्षका पनि १५ जना मात्र थिए । बेहुली पक्षले घरमा बेहुला र जन्तीलाई स्वागत गर्न १५ जनालाई मात्र उपस्थिति गराएको थियो ।

विश्व स्वास्थ्य सङ्गठन र नेपाल सरकारले कोरोना भाइरस नियन्त्रण तथा रोकथामका लागि अपनाएको सुरक्षा अवलम्बन गर्दै नेता सिटौलाले आफ्ना छोराको विवाह सम्पन्न गरेपछि आफ्नो निर्वाचन क्षेत्रमा रहेका विपन्न, असहाय तथा मजदुर वर्गलाई राहत पुर्‍याउने उद्देश्यले पाँच वटा पालिकालाई रु पाँच लाख सहयोग गरे ।

छोराबुहारीको इच्छानुसार नेता सिटौलाले विवाहभोजमा गरिने खर्च स्थानीय तहलाई हस्तान्तरण गरेको कांग्रेस नेता नवीन विमलीले जानकारी दिए ।

सिटौलाले बाह्रदशी, हल्दिबारी, कचनकवल गाउँपालिका र भद्रपुर नगरपालिकालाई एक–एक लाख प्रदान गरेका थिए भने भद्रपुर नगरपालिका–१० र विर्तामोड नगरपालिका–१० लाई ५०–५० हजार सहयोग गरे । रासस

jackson ribon