birat ribon

क्वारेन्टाइनको निगरानी अब मोवाइल एपबाटै

Neuro
क्वारेन्टाइनको निगरानी अब मोवाइल एपबाटै

काठमाण्डौ , २४ चैत । कोरोना भाइरस संक्रमण रोकथामकालागि क्वारेन्टाइनमा बसेका मानिशहरुको अब मोवाइल एपबाटै निगरानी थालिएको छ ।

Padelux insider
cura insider

संक्रमणको प्रारम्भीक लक्षण परिक्षण ग र्न बसेका व्यक्ति भागेको खण्डमा तत्काल प्रहरीलाई खवर हुने मोबाइल एप सञ्चालन ल्याएर अब मोवाइलबाटै क्वारेन्टाइनको निगरानी थालिएको हो ।

सरकारले क्वारेन्टाइनमा राखेका व्यक्ति आफ्नो ठाउँ छाडेर अन्यत्र गएको अवस्थामा तत्काल प्रहरी र सम्बन्धित निकायलाई खवर दिने विशेषता सहितको कोभिड—१९ साथी एप सञ्चालनमा ल्याएको छ ।

एपको जियो फेन्सिङ तथा अनुहार पहिचान प्रणाली भएको एपमा क्वारेन्टाइन्मा रहने व्यक्तिको फोटो र फोन नम्बरको माध्यमबाट अनुगमन गरिने राष्ट्रिय विपद् जोखिम न्यूनीरकण तथा व्यवस्थापन प्राधिकरणका कार्यकारी प्रमुख अनिल पोखरेलले जानकारी गराए ।

‘होम क्वारेन्टाइन’ वा सार्वजनिक क्वारेन्टाइनमा राखेका व्यक्ति सिमित दायराबाट बाहिर गएमा तत्काल जिल्ला आपतकालिन केन्द्र, प्रहरी तथा अन्य आपतकालिन निकायमा ‘अलर्ट’ बज्ने छ ।

साथै एपले कुनै पनि व्यक्ति आफ्नो स्थानमा बसेको छ, छैन, आफ्नो घरमा बसेको छ, छैन भनेर अनगमन गर्नेछ ।

क्वारेन्टाइनमा आपतकालिन अवस्थामा टेलिफोन सञ्चार नचलेमा पनि आन्तरिक सन्देश प्रणालीबाट सम्बन्धित निकायसँग तुरुन्त सम्पर्क गर्न सक्ने फिचर पनि एपमा सामवेश गरिएको छ ।

यस्तै उनीहरुको दैनिक स्वास्थ्य स्थिति ज्वरोको विवरण राखेर सम्बन्धित निकायमा त्यसको जानकारी पु¥याउने विशेषता पनि एपमा समावेश गरिएको छ ।

मोबाइल एपको मद्दतबाट अनियन्त्रित तवरले संक्रमण फैलिने अवस्था रोख्न, कुन ठाउँमा कति मानिसहरुलाई ज्वरो आएको छ भन्ने कुराको लेखाजोखा गर्न र क्वारेन्टाइनको अवधिमा यथाशीघ्र सेवा सहयोग पु¥याउन पनि एपले सहयोग गर्नेछ ।

गृहमन्त्री रामबहादुर थापाले विपद विरुद्ध विजय प्राप्त गर्न मोबाइल एपबाट गरिने अनुगमनले महत्वपूर्ण भूमिका खेल्ने बताएका छन । उनका अनुसार ‘कोभिड—१९ साथी’ नामको एपले कोरोनाका लागि मात्रै नभएर भविश्यमा सूचना केन्द्रीत गर्न पनि भूमिका खेल्ने छ ।

वेवसाइट पनि सञ्चालनमा

यसैगरी कोरोना भाइरस (कोभिड—१९) को तथ्याङ्क तथा सूचनाहरु सबै प्रदेश, जिल्ला र स्थानीय तहले हेर्न सक्ने गरी सरकारले ‘कोभिड १९ डट एनडीआरआरएमए डट जिओभी डट एन पी ’( – https://covid19.ndrrma.gov.np/_ ) वेव साइट पनि सञ्चालनमा ल्याएको छ ।

एकीकृत तथा भू—सान्दर्भिक राष्ट्रिय कोभिड—१९ ले सूचना प्रणालीको माध्यमले सूचना तथा तथ्याङ्कको दैनिक संकलन, विश्लेषण, भण्डारण र सम्प्रेषण गर्नेछ ।

वेव साइटको माध्यमबाट स्थलमार्थ तथा हवाईमार्गबाट आएका व्यक्तिहरुको विवरण, सामूदायिक क्वारेन्टाइनमा वा आफ्नै घरमा क्वारेन्टाइनमा बसेकाहरुको विवरण, उनीहरुको स्वास्थ्य अवस्था, आइसोलेसनमा भएका व्यक्तिहरुको विवरण, प्रत्येक जिल्लाबाट संकलन गरिएका स्वाव आदिको नेपाल भरीको जानकारी एकै ठाउँबाट प्राप्त गर्न सकिने छ ।

jackson ribon