Rumpum Advertisement

स्यानिटाइजरको प्रयोग गर्नु गलत, यस्तो बेलामा साबुनपानीले हात धुनुपर्ने सुझाव

Neuro Revised Adv
Koshi Dashain ad
स्यानिटाइजरको प्रयोग गर्नु गलत, यस्तो बेलामा साबुनपानीले हात धुनुपर्ने सुझाव

एजेन्सी, १३ चैत । कोरोना भाइरसको संक्रमणको जोखिमलाई न्यूनीकरण गर्नका लागि मानिसहरू हातलाई साबुन पानीले बारम्बार धुने तथा स्यानिटाइजरको प्रयोग गरिरहेका छन् ।

तर, कतिपय मानिसहरूलाई कति बेला साबुन पानीको प्रयोग गर्ने र कति बेला स्यानिटाइजरको प्रयोग गर्ने विषयमा थाहा नभएको देखिन्छ ।

घरमा रहँदा साबुनपानीले हात धुनु सबैभन्दा उपयुक्त मानिन्छ  ।

केही फोहोर सामानलाई छुदा वा बिरामीको सम्पर्कमा आएपछि साबुनपानीले हात धुन अनिवार्य हुन्छ ।

हातखुट्टामा देखिने खालको फोहोर छ भने फोहोर हटाउनका लागि साबुन पानीको प्रयोग गर्नु पर्छ ।

खाना खानुअघि, दिसा–पिसाब र बच्चाको डाइपर परिवर्तन गरेपछि हातका किटाणु मार्न साबुनपानी नै उपयुक्त हुन्छ ।

घरबाहिर रहँदा सबै ठाउँमा साबुनपानी उपलब्ध नहुने अवस्थामा स्यानिटाइजरको प्रयोग गर्न सकिन्छ ।

स्यानिटाइजरले सफा राख्नेभन्दा पनि हातमा नदेखिने किटाणु तथा जीवाणुलाई हटाउने काम गर्छ ।

अल्कोहलको मात्रा औसतमा ६० प्रतिशत भएको स्यानिटाइजरको प्रयोग उपयुक्त हुन्छ ।

खोक्दा, रुघा लाग्दा, हाच्छिउँ गर्दा स्यानिटाइजर प्रयोग गर्नु उचित हुन्छ । अहिले रसायनयुक्त स्यानिटाइजर पाउने भएको हुँदा स्यानिटाइजर खाना खाने समयमा प्रयोग गर्नुहुँदैन ।

अल्कोहलको मात्र ज्यादा भएका स्यानिटाइजरले आगो लाग्न सक्ने हुदा खाना पकाउँदा वा आगो जन्य काम गर्दा यसको प्रयोग उचित हुँदैन ।

स्यानिटाइजरलाई बच्चाहरूको पहुँचबाट टाढा राख्नुपर्छ ।

दुई वर्षभन्दा मुनिका बच्चाका लागि स्यानिटाइजरको प्रयोग गर्नु हुँदैन ।

सामान्यदेखि अल्कोहलयुक्त स्यानिटाइजरमा हुने रसायनिक तत्वले अनुहारमा हानि पुर्‍याउन सक्ने हुँदा अनुहार वा मुखमा स्यानिटाइजर लगाउनुहुँदैन ।

मानिस साबुनपानीको सट्टामा स्यानिटाइजर प्रयोग गर्न थालेका छन्, जुन गलत हो ।