Rumpum Advertisement

काँकडभिट्टा भएर नेपाल प्रवेश गर्ने तीन सय नेपाली अलपत्र

Neuro Revised Adv
Koshi Dashain ad
काँकडभिट्टा भएर नेपाल प्रवेश गर्ने तीन सय नेपाली अलपत्र

भद्रपुर, १० चैत । पूर्वी नाका काँकडभिट्टा भएर नेपाल प्रवेश गर्ने करीब तीन सय नेपाली भारतीय नाका पानीट्यांकीमा अलपत्र परेका छन् ।

मन्त्रिपरिषद्को निर्णयानुसार सोमबार बिहान १० बजेदेखि सीमानाका बन्द भएपछि उनीहरू अलपत्र परेका हुन् ।

तिनमा भारतका विभिन्न शहरबाट मजदूरी गरेर फर्कने तथा विद्यार्थी छन् ।

त्यसैगरी नेपालका विभिन्न शहरबाट मजदूरी गरेर घर फर्कने करीब तीन सय भारतीय काँकडभिट्टा नाकामा अलपत्र परेका छन् ।

इलाका प्रहरी कार्यालय काँकडभिट्टाका प्रहरी उपरीक्षक राजेन्द्र पोखरेलले सरकारको स्पष्ट निर्देशन नआएसम्म आफूले केही गर्न नसकिने जानकारी दिए ।

प्रदेश नं १ का मुख्यमन्त्री शेरधन राई र सामाजिक विकास राज्यमन्त्री जसमाया गजमेरको टोली काँकडभिट्टा नाका निरीक्षणका लागि आउँदै छन् ।

जिल्ला ट्राभल सङ्घ झापाका अध्यक्ष नेत्र कार्कीले सरकारले सही निर्णय गरे पनि समय छोटो भएका कारण नाकामा दुवै देशका नागरिक अलपत्र परेको बताए । रासस