कोरोना त्रास शीर्ष नेता ‘सेल्फ आइसोलेसन’मा, सबै कार्यक्रम बन्द

काठमाडौं, ९ चैत । कोरोना भाइरस कोभिड–१९ संक्रमणको त्रासका कारण राजनीतिक दलले आआफ्ना पूर्वनिर्धारित कार्यक्रम स्थगित गरेका छन् । राजनीतिक दलका नेता कार्यक्रम स्थगित गरी कोरोना भाइरसबाट सचेत हुन थालेका छन् ।

पार्टीका प्रायः नेता घरमै ‘सेल्फ आइसोलेसन’मा बस्न थालेका छन् । नेताले भेटघाट कम गर्न थलेका छन् भने कोरोनाबाट बच्ने उपाय अपनाउन थालेका छन् । मिर्गौला प्रत्यारोपणपछि स्वास्थ्य लाभ गरिरहेका नेपाल कम्युनिस्ट पार्टी ९नेकपा० का अध्यक्ष एवम् प्रधानमन्त्री केपी शर्मा ओलीले राजनीतिक भेटघाट बन्द गरेका छन् । कोरोना भाइरससँग सम्बन्धित विषय भए केही सम्बन्धित व्यक्तिसँग छलफल गर्छन् नभए भेटघाट पूरै बन्द गरेको उनका प्रेस संयोजक सूर्य थापाले बताए ।

अर्का अध्यक्ष पुस्पकमल दाहाल ‘प्रचण्ड’ तीन दिनदेखि घरबाट निस्किएका छैनन् । उनी ‘सेल्फ क्वारेन्टाइन’मा छन् । नेता तथा कार्यकर्तासँगको भेटघाट कम भएको छ । नेपाली कांग्रेसका सभापति शेरबहादुर देउवाले राजनीतिक भेटघाट तथा कार्यक्रम स्थगित गरेका छन् । तीनदिनदेखि उनी घरमै छन् । आजको गोरखापत्र दैनिकमा खबर छ ।

स्थानीय तहले अत्यावश्यक स्वास्थ्य सामाग्री साबुन, मास्क, स्यानिटाइजर, पञ्जाजस्ता सामाग्रीको अभाव हुन नदिने गरी योजना बनाएका हुन् । आआफ्नो स्थानीय तहभित्र खाद्य सामाग्रीको कृत्रिम अभाव हुन नदिन जनप्रतिनिधिले निरन्तर अनुगमन गर्ने योजना स्थानीय तहले बनाएका छन् । यो खबर पनि गोरखापत्र दैनिकमा छ ।

Loading...