पूर्वसञ्चारमन्त्री बास्कोटाको घरमा भएको विस्फोटको नेकपाद्वारा निन्दा

काठमाडौं, २८ फागुन । नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले पार्टीका केन्द्रीय सदस्य एवं निवर्तमान सञ्चार तथा सूचना प्रविधिमन्त्री गोकुल बास्कोटाको लोकन्थलीस्थित घरमा आज गराइएको बम बिस्फोटको घटनाको भत्र्सना गरेका छन् ।

अध्यक्ष प्रचण्डले आज एक विज्ञप्ति जारी गरी घटनामा संलग्न अपराधीहरूलाई नियन्त्रणमा लिन र कडा कानूनी कारवाही गर्न नेपाल सरकारको ध्यानाकर्षण गराएका हुन् ।

काभ्रेबाट निर्वाचित सांसद बास्कोटाको घरमा आज बिहान ७ बजेर ५० मिनेटमा प्रेसर कुकर बम विस्फोट गराइएको थियो ।

विस्फोटबाट घरका झ्यालका सिसाहरू फुट्नुका साथै पर्खाल भत्किएको छ । घटनाको प्रहरीले अनुसन्धान सुरु गरिसकेको छ ।

Loading...