कोरोना सङ्क्रमितको दक्षिण कोरियामा पनि मृत्यु

सोल, ८ फागुन । कोरोना भाइरसको संक्रमण भएका दक्षिण कोरियामा एक जनाको मृत्यु भएको छ । बिहीबार ती व्यक्तिको मृत्यु भएको पुष्टि भएको हो ।

सङ्क्रमितको मृत्यु भएसँगै दक्षिण कोरियामा पनि कोरोना भाइरसको चुनौती र त्रास थपिएको छ ।

देशभर झण्डै सय जनामा कोरोना भाइरसको सङ्क्रमण भएको हुनसक्ने अनुमान गरेका छन् । बिहीबार निधन भएका व्यक्ति झण्डै ६० वर्षका पुरुष हुन् । उनी लामो समयदेखि अस्पतालमा उपचार गराइरहेका १५ बिरामीमध्येका व्यक्ति भएको बताइएको छ ।

उनीहरुलाई देशको राजधानी सोलदेखि ३ सय २० किलोमिटर टाढापर्ने चेओङडोमा रहेको अस्पतालमा उपचार गराइएको थियो ।

दक्षिण कोरियाको रोग नियन्त्रण तथा निवारण केन्द्रद्धारा जारी वक्तव्यमा कोरोना भाइरसको सङ्क्रमण भएको आशङ्का गरिएका सबैको स्वास्थ्यपरीक्षण भइरहेको उल्लेख छ ।

Loading...