birat ribon

कोरोना प्रकोप : १ हजार ६ सय ६९ को मृत्यु, दुई हजार नयाँ बिरामी

Neuro
कोरोना प्रकोप : १ हजार ६ सय ६९ को मृत्यु, दुई हजार नयाँ बिरामी

बेइजिङ, ४ फागुन । चीनमा फैलिएको कोरोना भाइरसका कारण मृत्यु हुनेको संख्या आइतबारसम्ममा एक हजार ६ सय ६९ पुगेको छ ।

Padelux insider
cura insider

चिनियाँ स्वास्थ्य अधिकारीहरूले दिएको जानकारीअनुसार पछिल्लो एकै दिनमा थप १ सय ४२ जनाको मृत्यु भएको हो ।

उनीहरूले कोरोनाको संक्रमण थप दुई हजार नौ जनामा देखिएको पनि जानकारी दिएका छन् । सङ्क्रमितहरू चीनका ३१ वटा प्रान्तका रहेका छन् ।

थप मृत्यु भएका मध्ये १ सय ३९ जना हुवेइ प्रान्तका रहेका छन् भने सिचुवान प्रान्तका दुई र हुनान प्रान्तका एक जना रहेका छन् ।

चिनियाँ स्वास्थ्य आयोगका अधिकारीहरुले शनिबार मात्रै थप १९ सय १८ जना नयाँ सङ्क्रमणको आशंका गरिएको छ ।

सङ्क्रमितमध्ये २१९ जना शनिबार थप गम्भीर बिरामी भएका छन् भने १३ सय २३ जना स्वास्थ्यमा सुधार आएपछि घर फर्किएका छन् ।

कोरोना भाइरसबाट सङ्क्रमित हुनेहरुको कुल संख्या अहिलेसम्म ६५ हजार ५०० पुगेको अधिकारीहरुले जानकारी दिएका छन् ।

उनीहरूले ११ हजार २७२ जनाको अवस्था सुधार उन्मुख रहेको पनि बताएका छन् । त्यसैगरी ८ हजार २२८ जनामा आशंका गरिएको छ ।

सङ्क्रमित भएर उपचार गराइरहेकामध्ये अहिलेसम्म ९४ हजार १९ जना उपचारपछि घर फर्किएका छन् । आयोगले ५ लाख २९ हजार ४ सय १८ विरामी नियमित सम्पर्कमा रहेको जनाएको छ ।

यो भाइरसको सङ्क्रमण सन् २०१९ को डिसेम्बरमा चीनको वुहानबाट देखिन थालेको हो भने यसको पहिचान पहिलोपटक डिसेम्बर ३१ मा भएको थियो ।

jackson ribon