birat ribon

जोर्डी अल्बाले ‘एल क्लासिको’ गुमाउने

Neuro
जोर्डी अल्बाले ‘एल क्लासिको’ गुमाउने

एजेन्सी, ४ फागुन । बार्सिलोनाका स्टार खेलाडी जोर्डी अल्बाले तीन साता मैदानबाहिर रहनुपर्ने भएको छ ।

Padelux insider
cura insider

स्पेसिन मिडिया क्याटालुनिया रेडियोका अनुसार अल्बाले च्याम्पियन्स लिगअन्तर्गत नापोलीविरुद्धको खेल र एल क्लासिको गुमाउनेछन् ।

उनी ला लिगाअन्तर्गत गेटाफेविरुद्धको खेलमा घाइते भएका थिए ।

बार्सिलोनाको मैदान क्याप नोउमा भएको उक्त खेल बार्सिलोनाले २–१ गोलले जितेको थियो ।

सो खेलको २२औं मिनेटमा उनी घाइते भएका थिए ।

उनले चोट बोकेपछि उनको स्थानमा जुनियर फिर्पो मैदान प्रवेश गरेका थिए ।

क्लबका अनुसार अब उनले करिब ३ साता मैदानबाहिर रहनुपर्नेछ ।

जसमा उनले नापोलीविरुद्धको पहिलो लेगेको खेल र रियल मड्रिडविरुद्धको एल क्लासिको गुमाउनेछन् ।

बार्सिलोनाले च्याम्पियन्स लिगअन्तर्गत अन्तिम १६ मा इटालियन क्लब नापोलीसँग खेल्दैछ ।

यो खेल नापोलीकै मैदानमा फेब्रुअरी २५ मा हुनेछ । यस्तै अल्बाले यस सिजनको दोस्रो एल क्लासिको पनि गुमाउने छन् ।

रियल मड्रिडविरुद्धको खेल १ मार्चमा रियलकै मैदान सान्टियागो बर्नाबेउमा हुनेछ ।

त्यसअघि बार्सिलोनाले ला लिगअन्तर्गत इएबारसँग खेल्नेछ । यो खेल २२ फेब्रुअरीमा बार्सिलोनाको मैदानमा हुनेछ ।

jackson ribon